Hość z Rasii ŭ Minsku ŭziaŭ u arendu mašynu — haniaŭ tak, što štrafaŭ pakinuŭ ažno na 1215 rubloŭ
Uładalnica servisu arendy pryznajecca: taki vypadak nie adziny, a listy ŭ DAI jana dasyłaje pačkami.
Pra aburalny vypadak u Threads raspaviała Iryna Kapinos — uładalnica servisu arendy aŭtamabilaŭ Is car. Jana apublikavała fotazdymki čatyroch «listoŭ ščaścia» ad DAI, jakija pryjšli paśla čarhovaha arandatara Volkswagen Jetta.
Amatar pahaniać jeździŭ z chutkaściu 125—141 kiłamietr za hadzinu (zafiksavany pieravyšeńni na 35—51 kiłamietr za hadzinu). Košt takich pryhod ahułam skłaŭ 1215 rubloŭ.
Iryna dadała, što sutki arendy hetaha aŭtamabila kaštavali ŭsiaho 160 rubloŭ.
Kamientatary adrazu adhadali nacyjanalnaść hościa-honščyka: «Siabry z Rasii na vychodnych. Kłasika!». Niechta pažartavaŭ i spytaŭ, ci nie ślapy čałaviek byŭ za rulom. Iryna adkazała: «Pa dakumientach daviedka i akulary nie byli patrebnyja. Prosta hramadzianin Rasii ŭ Biełarusi».
Ludzi sprabavali znajści varyjanty taho, kab takich vypadkaŭ u budučyni možna było b paźbiahać. Adny patrabujuć za anałahičnyja parušeńni davać pažyćciovuju zabaronu na ŭjezd u Biełaruś, druhija rajać abmiažoŭvać maksimalna mahčymuju chutkaść u arendnych mašynach 90 kiłamietrami za hadzinu.
Irynie parekamiendavali pisać zajavu ŭ DAI, kab tam užo sami šukali honščyka i raźbiralisia ź im. Žančyna ž pryznałasia, što tak i robić — «pačkami listy ŭ DAI dasyłaju».
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy30
Kamientary
Skoro pieriestanut sdavať avto v ariendu.
No, rukovoditiel skotnoho dvora postrojennoho im na miestie Biełarusi, zavisit ot rukovoditiela skotnoho dvora Rośsii na 1000%.
Poetomu ničieho nie iźmienitsia, kak hadili bieznakazanno v Biełarusi i biełarusam, tak i prodołžat.