Čym skončyłasia historyja vykładčyka BDUIR, jaki źviartaŭsia da Łukašenki nakont 87 rubloŭ zarobku
BDUIR daviadziecca adnavić pracoŭnyja adnosiny ź Dźmitryjem Anoškam pavodle rašeńnia suda, piša devby.io.
Viasnoj Dźmitryj Anoška zapisaŭ zvarot da Łukašenki — raskazaŭ pra kanflikty z administracyjaj BDUIR i «sabataž dziaržaŭnaj palityki ŭ śfiery adukacyi». Administracyja BDUIRa zvolniła jaho paśla zakančeńnia kantraktu («vypraviła z chaty na maroz»), ale praź niedachop kadraŭ dazvoliła vykładać na novych umovach. U vyniku jahony zarobak za listapad 2025 hoda skłaŭ 87 rubloŭ.
8 červienia na svaim jutub-kanale «Prepod za edu» vykładčyk paviedamiŭ, što sudovaja kalehija Minskaha haradskoha suda vyniesła rašeńnie na jahonuju karyść. Sud abaviazaŭ univiersitet adnavić pracoŭnyja adnosiny ź Dźmitryjem Anoškam z 1 listapada 2025 hoda.
— Vysoki sud staŭ na naš bok, — reziumavaŭ Dźmitryj Anoška.
Praŭda, jość niuans: vykładčyk razam ź jurystam praanalizavaŭ dakumienty, jakija BDUIR pradastaviŭ jamu na podpis paśla rašeńnia suda, i zastaŭsia niezadavoleny. Na jahonuju dumku, univiersitet moža «zaihryvać z zakanadaŭstvam», «sprabuje niejkim čynam abyści i razyhrać situacyju pa-svojmu».
Pra poŭnaje adnaŭleńnie Dźmitryja Anoški na pracy havorki pakul navat nie idzie. Jak śćviardžaje vykładčyk, na siońnia ŭniviersitet nie płaniruje adnaŭlać za im dyscypliny ŭ poŭnym abjomie.
Na dumku Anoški, usio heta parušaje pierajemnaść dyscyplin i spryjaje razvału śpiecyjalnaści.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary