Upieršyniu jon projdzie adrazu ŭ troch krainach i ŭpieršyniu ŭ im voźmie ŭdzieł 48 zbornych, faktyčna kožny čaćviorty člen FIFA.
Siońnia matčam Mieksika — Paŭdniovaja Afryka startuje čempijanat śvietu pa futbole.
Upieršyniu jon projdzie adrazu ŭ troch krainach: ZŠA, Mieksika i Kanada. U 2002 hodzie mundyjal prachodziŭ u Paŭdniovaj Karei i Japonii. Zaraz adrazu try krainy, pryčym Mieksika prymaje čempijanat śvietu treci raz (1970, 1986, 2026), ZŠA druhi (1994, 2026), Kanada — pieršy.
Taksama ŭpieršyniu ŭ im voźmuć udzieł 48 zbornych (z 1998 hoda ŭdzielničali 32). Heta pavialičyć kolkaść hulniaŭ bolš čym u dva razy. Kali ŭdzielničali 32 kamandy, było 48 matčaŭ, zaraz budzie 104.
Zaraz usie zbornyja raźbityja na 12 hrup
Hrupa A: Mieksika, Paŭdniovaja Kareja, Čechija, PAR
V: Šviejcaryja, Bośnija, Kanada, Katar
S: Brazilija, Šatłandyja, Maroka, Haici
D: ZŠA, Turcyja, Parahvaj, Aŭstralija
E: Hiermanija, Kot dJIvuar, Ekvador, Kiurasaa
F: Niderłandy, Šviecyja, Japonija, Tunis
G: Bielhija, Jehipiet, Iran, Novaja Ziełandyja
H: Ispanija, Uruhvaj, Kaba-Vierde, Saudaŭskaja Aravija
I: Francyja, Narviehija, Sieniehał, Irak
J: Arhiencina, Aŭstryja, Ałžyr, Iardanija.
K: Partuhalija, Kałumbija, Uźbiekistan, DR Konha
L: Anhlija, Charvatyja, Hana, Panama.
Hrupavy turnir projdzie z 11 pa 27 červienia.
Z kožnaj hrupy ŭ płej-of vychodziać pa dźvie lepšyja kamandy, a taksama vosiem najlepšych zbornych, što zojmuć trecija miescy.
Matčy 1/16 finału — z 28 červienia pa 3 lipienia, 1/8 finału — 4‑7 lipienia, 1/4 finału — 9‑11 lipienia, paŭfinały 14 i 15 lipienia, matč za 3‑ie miesca — 18 lipienia, finał — 19 lipienia.
Z Paŭnočnaj Amierykaj u nas vialikaja roźnica ŭ časie.
Samy rańni matč budzie pačynacca a 19‑j i 20‑j pa biełaruskim časie, asnoŭnyja cikavostki a 22‑j i 23-j: buduć taksama hulni a hadzinie nočy, a treciaj, piataj i siomaj ranicy.
Mundyjal startuje siońnia a 22‑j hulnioj u Miechika pamiž zbornaj Mieksiki i Paŭdniovaj Karejaj, zaŭtra a 5‑j ranicy — Čechija — Paŭdniovaja Kareja, viečaram a 22‑j u piatnicu Bośnija — Kanada.
U dzień padčas hrupavoha turniru budzie prachodzić ad troch da piaci matčaŭ.
Čatyry hady tamu ŭ Katary suśvietnaje pieršynstvo vyjhrała Arhiencina, jakaja była taksama pieramožcam u 1978 i 1986 hadach. Rekord pa tytułach naležyć Brazilii (1958, 1962, 1970, 1994, 2002), u Italii čatyry pieramohi (1934, 1938, 1982, 2006), Hiermanii — try (1954, 1990, 2014).
Francyja i Uruhvaj dvojčy brali tytuł, Ispanija i Anhlija pa razie.
U Biełarusi matčy čempijanatu śvietu budzie pakazvać telekanał «Sport TB».
U roznych krainach — nacyjanalnyja aficyjnieyja teleradyjoviaščalniki. Naprykład, u Polščy TVP, Litvie — TV3 Lithuania, Ukrainie — «Suśpilnie» u partniorstvie ź miascovymi pravaŭładalnikami (kankretnaja schiema pakazu zaležyć ad matčaŭ i płatform), u Vialikabrytanii BBC i ITV buduć dzialić tranślacyi, Hiermanii — ARD i ZDF.
Kamientary