U Biełarusi źjaviacca «Torf-hatel» i vuzkakalejka dla turystaŭ
U Biełarusi na bazie pieršaha tarfabrykietnaha zavoda ŭ pasiołku Usiaž Smalavickaha rajona adkryŭsia Centr tarfianoj pramysłovaści. Jaho meta — zachavańnie historyi haliny, raźvićcio pramysłovaha turyzmu i znajomstva naviedvalnikaŭ z pracesam zdabyčy i pierapracoŭki torfu, paviedamlaje BiełTA.
U budučyni tut płanujecca stvaryć ceły turystyčny kompleks. Siarod asnoŭnych prajektaŭ:
- budaŭnictva vuzkakalejnaj čyhunki sa stancyjami dla ekskursijnych pajezdak;
- stvareńnie naturnaj placoŭki kinastudyi «Biełaruśfilm», jakuju ŭžo nazyvajuć «Smalivud»;
- rekanstrukcyja budynka «BiełPalivaHazKamplekt» pad hatel «Torf-hatel»;
- raspracoŭka piešych, rovarnych i čyhunačnych turystyčnych maršrutaŭ.
Taksama praduhledžvajecca adkryćcio sadovaha centra z pradukcyjaj na asnovie torfu, praviadzieńnie turźlotaŭ, fiestyvalaŭ, spabornictvaŭ pa tarfianym futbole, džyp-tryjału «Tarfiany farsaž», a taksama budaŭnictva tematyčnych tarfianych domikaŭ.
Pavodle danych haliny, štohod u Biełarusi zdabyvajecca kala 2 miljonaŭ ton torfu. Ź jaho vyrablajuć prykładna 1 miljon ton pradukcyi: kala 800 tysiač ton vykarystoŭvajecca jak paliva, što dazvalaje zamiaščać da 400 miljonaŭ kubamietraŭ pryrodnaha hazu, jašče kala 200 tysiač ton idzie na niapaliŭnyja patreby — u tym liku dla sielskaj haspadarki i inšych śfier.
Jadzierny reaktar pad Minskam, jaki ŭzvodzili žychary Prypiaci. Historyja ACEC u Družnym, jakuju ŭratavaŭ i pachavaŭ Čarnobyl
Atamnyja mary Savieckaj Biełarusi: Brasłaŭ, Viciebsk, Łukoml ci Paleśsie? Čamu na Biełarusi tak i nie źjaviłasia maštabnaja sietka AES
«Napeŭna, horš nie budzie». Łukašenka vynajšaŭ sposab, jak źbirać vialikija ŭradžai na piasku
Pad Hrodnam adnaŭlajuć tury dryzinaj pa vuzkakalejcy
Kamientary