Śpiavačka Aryjana Hrande zapatrabavała ad Biełaha doma nie vykarystoŭvać jaje piesień u antyimihracyjnych rolikach
«Kali łaska, nikoli nie vykarystoŭvajcie maju muzyku ŭ suviazi z hetaj varvarskaj, biesčałaviečnaj łuchtoj», — napisała śpiavačka.
Amierykanskaja śpiavačka Aryjana Hrande patrabuje ad administracyi Donalda Trampa spynić vykarystańnie jaje muzyki dla prasoŭvańnia antymihracyjnaj palityki, paviedamlaje Reuters.
Na hetym tydni Bieły dom apublikavaŭ u TikTok videa, pryśviečanaje imihracyjnaj palitycy Złučanych Štataŭ. Na kadrach pakazana, jak supracoŭniki Imihracyjnaj i mytnaj słužby ZŠA (ICE) zatrymlivajuć ludziej i nadziavajuć im kajdanki. Fonam da klipa stała pieśnia Hrande «Bye» («Da pabačeńnia»).
«Kali łaska, nikoli nie vykarystoŭvajcie maju muzyku ŭ suviazi z hetaj varvarskaj, biesčałaviečaj łuchtoj», — napisała śpiavačka ŭ kamientary da videa.
Aryjana Hrande naradziłasia ŭ Fłarydzie, ale ŭ jaje italjanskija karani, čym jana hanarycca. Rolling Stone i Billboard adnosiać Hrande da liku najvialikšych artystaŭ u historyi, a časopis Time ŭklučaŭ jaje ŭ śpis sta samych upłyvovych ludziej śvietu ŭ 2016 i 2019 hadach.
Siarod jaje biznes-prajektaŭ — kaśmietyčny brend R.E.M. Beauty (zasnavany ŭ 2021 hodzie) i parfumiernaja linija, jakaja pryniesła bolš za miljard dalaraŭ suśvietnych prodažaŭ. Artystka vałodaje adnoj z najbujniejšych aŭdytoryj u sacyjalnych sietkach: na płatformie Instagram jana zajmaje šostaje miesca ŭ śviecie pa kolkaści padpisčykaŭ.
22 maja 2017 hoda padčas vystupu Aryjany ŭ Mančestery (Vialikabrytanii) adbyŭsia terakt, padčas jakoha zahinuli 23 čałavieki i 120 byli paranienyja. U lipieni 2017 hoda Hrande razam z Džaścinam Bibieram, Keci Pery, Majli Sajrus, Robi Uiljamsam, Lijamam Hałachieram, Coldplay, Take That, Black Eyed Peas dali ŭ Mančestery dabračynny kancert u pamiać achviar teraktu, U vyniku byli sabranyja 10 miljonaŭ funtaŭ.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii8
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary