Na voziery pad Połackam znajšli cieła viadomaha ŭrołaha Hienadzia Ščatko
Jaho šukali piać dzion.
«Siońnia padčas pošukavych rabot manieŭrana-pošukavaj hrupaj sumiesna z MNS na voziery Viadzieta Połackaha rajona byŭ znojdzieny mužčyna 1978 hoda naradžeńnia», — paviedamiła Tavarystva vyratavańnia na vodach Biełarusi ŭ svaim telehram-kanale.
Havorka pra viadomaha minskaha ŭrołaha Hienadzia Ščatko, jaki 11 červienia adpraviŭsia na padvodnaje palavańnie, adnak dadomu nie viarnuŭsia.
Viadzieta — papularnaje i malaŭničaje miesca dla pałatačnych łahieraŭ, vodnaha turyzmu i padvodnaj łoŭli, raźmieščanaje za 45 kiłamietraŭ ad Połacka. Sam vadajom dosyć vialiki i hłyboki: płošča vodnaha lusterka składaje kala 4,61 kvadratnaha kiłamietra, siaredniaja hłybinia — kala 4,5 mietra, a maksimalnaja dasiahaje 12,2 mietra.
Kala 5 hadzin ranicy 12 červienia mužčyna adpraviŭsia na padvodnuju rybałku i źnik. Z taho času vialisia jaho pošuki.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary