Mužčyna, jakoha piaty dzień šukajuć pad Połackam, — viadomy minski doktar
U Połackim rajonie praciahvajucca pošuki mužčyny, jaki źnik padčas padvodnaj rybałki. Akazałasia, što heta viadomy minski ŭrołah, zahadčyk adździaleńnia ŭ Balnicy chutkaj miedycynskaj dapamohi, piša Onliner.
48‑hadovy Hienadź Ščatko — viadomy minski ŭrołah, zahadčyk adździaleńnia ŭ Balnicy chutkaj miedycynskaj dapamohi. Taksama jon viadzie pryjom u pryvatnym miedcentry Sante.
Pra źniknieńnie Hienadzia Ščatko paviedamiŭ pošukava-vyratavalny atrad «Fieniks», aryjenciroŭki taksama raspaŭsiudžvajuć u sacsietkach jaho znajomyja.
Viadoma, što 11 červienia doktar u kampanii siabroŭ adpraviŭsia adpačyvać na voziera Viadzieta. Heta papularnaje i malaŭničaje miesca dla pałatačnych łahieraŭ, vodnaha turyzmu i padvodnaj łoŭli, raźmieščanaje za 45 kiłamietraŭ ad Połacka.
Sam vadajom dosyć vialiki i hłyboki: płošča vodnaha lusterka składaje kala 4,61 kvadratnaha kiłamietra, siaredniaja hłybinia — kala 4,5 mietra, a maksimalnaja dasiahaje 12,2 mietra.
Kala 5 hadzin ranicy 12 červienia mužčyna adpraviŭsia na padvodnuju rybałku i źnik. «Na miescy pracujuć supracoŭniki milicyi, MNS, Tavarystva vyratavańnia na vodach <…>. My vierym, što jon jašče žyvy, i robim usio mahčymaje, kab jaho znajści», — pišuć blizkija źnikłaha.
Prykmiety: na vyhlad 45—50 hadoŭ, rost 176—178 sm, siaredniaha ciełaskładu, vałasy karotkija, ciomnyja, vočy błakitnyja. Byŭ apranuty ŭ čorny hidrakaścium.
Kamientary