Alaksandr Łukašenka na naradzie daručyŭ Kamitetu dziaržkantrolu i Ministerstvu ŭnutranych spraŭ pravieryć u krainie spartyŭnyja kłuby. Pra heta pa vynikach narady žurnalistam zajaviła vice-premjer Natalla Piatkievič, piša BiełTA.
Siarod dakładčykaŭ na naradzie byŭ staršynia Kamiteta dziaržkantrolu Vasil Hierasimaŭ, jaki prainfarmavaŭ pra vyniki pravierki CHK «Dynama-Minsk». Natalla Piatkievič źviarnuła ŭvahu, što kłub karystajecca srodkami dziaržaŭnaj padtrymki, tamu adpaviednym pytańniam nadajecca pilnaja ŭvaha.
«U vyniku pravierki było dakładziena pra šerah surjoznych niedachopaŭ, jakija nie zastajucca pa-za ŭvahaj kiraŭnika dziaržavy. U suviazi z hetym było daručana Kamitetu dziaržkantrolu i Ministerstvu ŭnutranych spraŭ pravieryć u cełym spartyŭnyja kłuby ŭ našaj krainie. Dla taho, kab srodki, nakiravanyja na sport, srodki dziaržaŭnaj padtrymki (heta značyć metavyja srodki) išli na sport, a nie na niejkija inšyja patreby, nie źviazanyja sa sportam, u tym liku dla zadavalnieńnia niejkich haspadarčych patreb», — zajaviła vice-premjerka.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary