U biełaruskim futbole pakul niama na što hladzieć. Takuju acenku Alaksandr Łukašenka daŭ stanu spraŭ u hetym vidzie sportu na naradzie ŭ Minsku, piša BiełTA.
«Čamu ja źviarnuŭsia da sportu — nie tolki da chakieja: užo i ŭ mianie pačynajuć krytykavać za toje, što ja bolš uvahi nadaju chakieju. Kali futbalisty buduć hulać tak, jak u nas chakieisty hulajuć, ja ź vialikim zadavalnieńniem budu nadavać uvahu i futbołu. Ale tam pakul niama na što hladzieć», — skazaŭ jon.
Jon uzhadaŭ pra niadaŭni tavaryski matč pamiž zbornymi Biełarusi i Burkina-Faso pa futbole. Hulnia zaviaršyłasia ničyjoj ź likam 2:2, choć pa chodzie matča biełaruskaja kamanda viała 2:0.
«Nu tak, Burkina-Faso — niadrennaja kamanda. My nibyta 2:0 viali. A potym na finišy — jak zvyčajna. Pra što heta havoryć? Pra toje, što my nie rychtujemsia, my fizična nie ŭmiejem hulać. Abo trenierski skład (choć nie mahu skazać, što jany drenna pačali), na čale z Hančarenkam, — nie padrychtavali kamandu naležnym čynam, kab da apošniaj chviliny vystajać i zdabyć pieramohu», — źviarnuŭ uvahu Alaksandr Łukašenka.
Jon pry hetym padkreśliŭ, što nichto, uklučajučy profilnaha ministra, nie moža papraknuć jaho ŭ tym, što jon nie nadaje ŭvahi futbołu: «U nas ža «nadavaŭ uvahu» — heta hrošy davaj. Nu dali minskim dynamaŭcam ministra (havorka pra kiraŭnika MUS Ivana Kubrakova, jaki taksama zajmaje pasadu staršyni naziralnaj radyBFST «Dynama») i hrošaj. I što, lepš stali hulać? U kubkach adroźnilisia, jašče dzie-niebudź? Tamu nie treba kryŭdzicca na toje, što ja mienš uvahi nadaju futbołu. Ničoha nie mienš, chapaje».
Łukašenka adznačyŭ, što tak skłałasia ŭ jaho žyćci, što ciapier jaho čaściej bačać na chakiejnaj placoŭcy. Mahčyma, tamu mahło skłaścisia mierkavańnie, što ŭ Biełarusi heta — hulnia №1.
«Futboł i chakiej — heta asnoŭnyja vidy sportu paŭsiul, tamu što jany masavyja, heta narodnyja vidy sportu. Pa maim asabistym žyćci ja zaŭsiody pryznavaŭ, što hulaŭ u futboł, a nie ŭ chakiej. Uletku — u futboł, uzimku — u chakiej. Sa školnaha ŭzrostu», — adznačyŭ Alaksandr Łukašenka.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary