Zbornaja Šviejcaryi ŭpeŭniena razabrałasia z Ałžyram i vyjšła ŭ 1/8 finału mundyjalu
Zbornaja Šviejcaryi ŭpeŭniena pieramahła zbornuju Ałžyra ź likam 2:0 u matčy 1/16 finału čempijanatu śvietu i vyjšła ŭ nastupny raŭnd.
Užo ŭ pačatku sustrečy šviejcarcy adkryli lik paśla chutkaj ataki: Jaan Manzambi prarvaŭsia pa levym fłanhu i vykanaŭ prostreł, jaki ŭ adzin dotyk zamknuŭ Breel Embała.
Ałžyr sprabavaŭ bolš vałodać miačom i dziejničać aktyŭna, ale sutyknuŭsia z arhanizavanaj abaronaj supiernika i amal nie stvaraŭ niebiaśpiečnych momantaŭ.
U druhim tajmie Šviejcaryja padvoiła pieravahu. Paśla vysokaha presinhu i błytaniny kala štrafnoj Dan Ndaje atrymaŭ miač i dakładna prabiŭ, ustalavaŭšy lik 2:0.
Paśla hetaha ałžyrcam pryjšłosia adkryvacca, ale šviejcarskaja abarona dziejničała vielmi nadziejna i nie dazvoliła stvaryć realny šaniec na kambek. Niekalki sprobaŭ dalnich udaraŭ i padač nie prynieśli vyniku.
Matč moh skončycca i z bolš bujnym likam, ale šviejcarcy nie realizavali jašče adzin halavy momant naprykancy sustrečy.
U vyniku Šviejcaryja ŭpeŭniena vychodzić u 1/8 finału ČS-2026, a Ałžyr zaviaršaje ŭdzieł u turniry. Sapiernikam šviejcarcaŭ na nastupnym etapie stanie pieramožca pary Kałumbija — Hana. Matč hetych zbornych projdzie ranicaj u subotu pa biełaruskim časie na stadyjonie ŭ Kanzas-Sici.
Ispancy vielmi ŭpeŭniena prajšli ŭ 1/8 finału mundyjalu
Partuhalija ŭ dramatyčnym matčy prajšła Charvatyju z asabistym niaščaściem charvataŭ na 15‑j dadatkovaj chvilinie
ZŠA ŭdziesiacioch i pry dvuch admienienych hałach pieramahli Bośniju i vyjšli ŭ 1/8 finału
Francyja ŭstanaviła rekord čempijanataŭ śvietu! Ale heta drenny znak
Niderłandy — fienomien čempijanataŭ śvietu. 16 hadoŭ biez paražeńniaŭ — i nivodnaha finału
Kamientary