Padčas sustrečy pasłoŭ krain ES pradstaŭnik Hrecyi vystupiŭ suprać zabarony na transpartavańnie rasijskaha zvadkavanaha pryrodnaha hazu trecija krainy, piša FT.
Takim čynam Hrecyja sprabuje abaranić sudnachodnuju kampaniju Dynagas. Pavodle pradstaŭnika Afin, zabarona na tranzit rasijskaha SPH faktyčna «źniščyć» kampaniju.
Piarečańni Hrecyi ŭžo na tydzień zatrymali pryniaćcie novaha pakieta sankcyj, bo dla jaho ŭchvaleńnia nieabchodnaja padtrymka ŭsich dziaržaŭ — členaŭ ES.
Kampanija Dynagas (naležyć hreckamu miljarderu Hieorhiasu Prakopiu) ekspłuatuje 27 hazavozaŭ, u tym liku pabudavanych z ulikam patrabavańniaŭ biaśpieki dla pracy ŭ ledzianych arktyčnych vodach pablizu zavoda «Jamał SPH». Z pačatku 2025 hoda kampanija pieraviezła bolš za 10 miljonaŭ ton rasijskaha SPH na 11 sudnach, ździejśniŭšy za hety čas 144 rejsy, piša «Mieduza»
Kamientary