Orbanaŭskaha ministra zamiežnych spraŭ pracaŭładkavała kitajskaja bujnaja karparacyja
Były ministr zamiežnych spraŭ Vienhryi Pieter Sijarta paviedamiŭ, što skłaŭ deputacki mandat u vienhierskim parłamiencie i pierachodzić na pracu ŭ kitajskuju aŭtamabilnuju kampaniju BYD.
Pavodle słoŭ adnaho z najbližejšych palityčnych paplečnikaŭ byłoha šmathadovaha premjera Vienhryi Viktara Orbana, jon atrymaŭ prapanovu zaniać mižnarodnuju pasadu ŭ adnoj ź viadučych kampanij suśvietnaj aŭtamabilnaj pramysłovaści. Na novaj pracy Sijarta budzie adkazvać za raźvićcio mižnarodnych suviaziaŭ i novych kirunkaŭ biznesu. Pry hetym jon nie ŭvojdzie ŭ kiraŭnictva vienhierskaha padraździaleńnia BYD.
Raniej Sijarta z 2014 pa 2026 hod uznačalvaŭ Ministerstva zamiežnych spraŭ Vienhryi va ŭradach Viktara Orbana i byŭ viadomy svajoj padtrymkaj supracoŭnictva z Kitajem, u tym liku raźvićcia vytvorčaści elektramabilaŭ.
Paśla sychodu z pasady jon zajaviŭ, što nikoli nie dziejničaŭ u intaresach Rasii, u čym jaho taksama abvinavačvali i navat publikavali prasłuchoŭku jahonych telefonnych razmoŭ ź ministram zamiežnych spraŭ Rasii Siarhiejem Łaŭrovym. Razam z tym novaja vienhierskaja ŭłada raniej abvinavačvała byłoha ministra ŭ źniščeńni važnych dakumientaŭ, źviazanych z sankcyjnaj palitykaj, kali jon pakidaŭ svaju dziaržaŭnuju pasadu.
Kamientujučy infarmacyju pra novuju pracu Pietera Sijarta, premjer-ministr Vienhryi Pieter Madźjar napisaŭ:
«Pieter Sijarta, były ministr zamiežnych spraŭ, jaki i raniej pradstaŭlaŭ zamiežnyja intaresy, siońnia aficyjna abviaściŭ, što sychodzić z palityki i stanie kiraŭnikom kitajskaj kampanii, dla jakoj raniej jon damohsia vielizarnych vienhierskich dziaržaŭnych subsidyj. Adroźnieńnie ad papiaredniaha stanovišča budzie zaklučacca ŭ tym, što adhetul za tuju samuju «pracu» Pietera Sijarta budzie płacić nie vienhierski narod, a jaho faktyčny pracadaŭca».
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia35
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary