Sindrom małoha čelesa. A moža ŭsio-taki?..

U pieršaj častcy artykułu my zasiarodzilisia na sindromie małoha čelesa. Hety psichałahičny razład, jaki žyvicca nieadčepnymi dumkami, moža pryvieści da połavaj niamohłaści, zaŭčasnaha abo zapoźnienaha vyviaržeńnia nasieńnia, da ŭchileńnia ad połavych kantaktaŭ, a to i ad ramantyčnych suviaziaŭ uvohule. Usiamu vinoj zbytkoŭnaje žadańnie paspaborničać ź inšymi mužčynami, niaviedańnie prostych miedyčnych faktaŭ pra połavyja orhany dy inš. U druhoj častcy artykuła «Sindrom małoha čelesa» my praciahniem pierakonvać mužčyn, što małych čelesaŭ amal nie byvaje.

1. Jašče adzin dokaz, što ŭsie prablemy z daŭžynioj — u mužčynskaj hałavie. U ZŠA praviali apytańnie 50 tysiač hieteraseksualnych žančyn i mužčyn — i što ž vyśviatlajecca? Mužčyn, niezadavolenych pamierami svaich «pryładaŭ», cełych 45 adsotkaŭ. A žančyn, niezadavolenych habarytami połavych orhanaŭ ich partnioraŭ, — usiaho 15% (heta značyć 85% — całkam uchvalajuć).

2. Ciažka zrazumieć mužčyn, jakija mierajucca ź inšymi, kali ich načyńnie pierabyvaje jak praviła ŭ rassłablenym stanie. Hałoŭny ž stan połavaha orhana — napiaty. Navažymsia dapuścić, što tut prysutničaje nie žadańnie praciahnuć rod, prynieści asałodu žančynie i sabie samomu, a niešta inšaje — adviečnaja mužčynskaja schilnaść da spabornictva va ŭsim-lubym. Nie zabyvajciesia, što pamier čelesa ŭ raźniavolenym stanie nie śviedčyć pra jahonyja pamier padčas erekcyi. Daśledčyki Mesters i Džonsan (1966) statystyčna daviali, što siaredniestatystyčny napiaty čeles — heta pryblizna 12-13 santymietraŭ i što pry erekcyi maleńkija čelesy padaŭžajucca praparcyjna značna bolš za vialikija. I što rasavyja adroźnieńni nie ŭpłyvajuć na pamier.

3. Abhladańnie «honaru« źvierchu, a jašče najaŭnaść hustych kušmakovych (łabkovych) vałasoŭ — usio heta pracuje na aptyčnaje źmianšeńnie orhana. U dadatak połki tłušču, što, jak praviła, ufarmoŭvajucca ŭ nižniaj častcy žyvata i čaściakom paprostu chavajuć ad vačej mužčyny jaho «bahaćcie». Skińcie zbytkoŭnyja kiłahramy i ŭsio ŭbačycie.

4. Jak na toje, dyk žanočy arhanizm patrabuje nie daŭžyni, a taŭščyni. Tłumačycca heta tym, što abjomny orhan ćvialić siekiel (klitar) značna efiektyŭniej za daŭhi, ale tonki čeles.

5. Naastatak. Mužčyny, prajaŭlajcie cikavaść nie da vašych orhanaŭ, a da vašych žančyn. Zasiarodźciesia na pamierach vašaj addanaści joj, dumajcie pra vieličyniu ŭvahi da jaje. Nie zabyvajciesia, bolšaść žančyn aceńvaje mužčynu nie ź liniejkaj.

• 0
• 0
• 0
• 0
• 0
• 0
• 0
• 0