Italija mabilizuje armiju vaśminohaŭ na baraćbu z błakitnymi krabami
Błakitny krab, jaki raspaŭsiudziŭsia la italjanskaha ŭźbiarežža, źniščaje maluskaŭ i nanosić straty rybnaj haspadarcy. Kab strymać jaho papulacyju, navukoŭcy vyrašyli vykarystać vaśminohaŭ, vyhadavanych u łabaratoryi. Ich vypuskajuć u mora, dzie jany mohuć palavać na błakitnych krabaŭ.
Błakitny krab staŭ surjoznaj prablemaj dla rybnaj haspadarki na poŭnačy Italii. Hety vid pachodzić z Atłantyki. Miarkujecca, što ŭ Mižziemnaje mora jon trapiŭ z bałastavymi vodami sudnaŭ, jakija mohuć pieranosić marskija arhanizmy z adnaho porta ŭ inšy. U novych umovach błakitny krab pryžyŭsia i pačaŭ chutka raspaŭsiudžvacca.
Jak paviedamlaje The Telegraph asabliva mocna ad jaho paciarpieli haspadarki ŭ paŭnočna-ŭschodnich rehijonach Italii Emilija-Ramańja i Vienieta, jakija vychodziać da Adryjatyčnaha mora. Kraby jaduć kamiercyjna kaštoŭnych maluskaŭ, u tym liku midyj, a taksama paškodžvajuć rybackija sietki. Pavodle acenak, ekanamičnyja straty ŭžo dasiahnuli kala 200 miłjonaŭ jeŭra. U niekatorych rajonach vytvorčaść maluskaŭ skaraciłasia na 70%, a asobnyja akvakulturnyja haspadarki byli vymušanyja zakrycca.
Prablema ŭskładniajecca tym, što ŭ novych dla siabie vodach błakitny krab maje mała naturalnych vorahaŭ i chutka razmnažajecca. Błakitny krab taksama praciahvaje asvojvać novyja terytoryi. Niadaŭna jaho vyjavili ŭ race Po kala horada Huastała, prykładna za 160 kiłamietraŭ ad vuścia. Heta samy daloki vypadak praniknieńnia vidu ŭ presnyja vody, zafiksavany ŭ Jeŭropie.
Daśledčyki miarkujuć, što kraby mohuć šukać novyja terytoryi praź pieranasielenaść: kali ich stanovicca zašmat, bujnyja asobiny pačynajuć jeści mienšych, tamu častka žyvioł šukaje novyja miescy.
Italjanskija ŭłady ŭžo sprabujuć skaracić kolkaść błakitnych krabaŭ, zaachvočvajučy ich vyłaŭ i spažyvańnie. Jany źjavilisia ŭ supiermarkietach i rybnych kramach, a restarany vykarystoŭvajuć ich u sałatach, paście i inšych stravach. Adnak maštaby vyłavu pakul niedastatkovyja, kab istotna paŭpłyvać na papulacyju.
Ciapier navukoŭcy vypraboŭvajuć jašče adzin padychod — vykarystańnie naturalnaha drapiežnika.
U miežach asobnaha prajekta daśledčyki Bałonskaha ŭniviersiteta razam z uładami Emilii-Ramańji vypuścili ŭ Adryjatyčnaje mora kala 130 tysiač maładych vaśminohaŭ (Octopus vulgaris).
Vaśminohaŭ razvodziać u łabaratoryjach i vypuskajuć nie darosłymi, a nieŭzabavie paśla vyłupleńnia, kali ich pamier składaje ŭsiaho niekalki milimietraŭ. Kab pavysić ich šancy na vyžyvańnie, daśledčyki taksama stvaryli na marskim dnie štučnyja schoviščy.
Depuis plusieurs années les crabes bleus ravagent les côtes de la Méditerranée. Et si cette espèce prolifère c'est parce qu'elle n'a pas de prédateur naturel. Des chercheurs italiens ont trouvé une solution en misant sur un adversaire redoutable : la pieuvre !
Julie… pic.twitter.com/ifToQTrA37
Vybar vaśminoha nievypadkovy. U dzikaj pryrodzie jon aktyŭna paluje na rakapadobnych. Pavodle navukoŭcaŭ, darosły vaśminoh moža łavić i źjadać da čatyroch krabaŭ za dzień.
Adnak pakul nieviadoma, ci budzie hety mietad efiektyŭnym. Kala 99% vaśminohaŭ hinuć na rańniaj stadyi raźvićcia, tamu z vypuščanych 130 tysiač asobin da darosłaha ŭzrostu dažyvie tolki nievialikaja častka.
Niahledziačy na heta, daśledčyki ličać, što vaśminohi ŭsio ž mohuć paŭpłyvać na kolkaść błakitnych krabaŭ. Adna samka kraba zdolnaja adkłaści 1,5—2 miljony jajek. Tamu, jak adznačajuć navukoŭcy, navat kali vaśminoh źjeść adnu samku, heta moža praduchilić źjaŭleńnie vialikaj kolkaści novych krabaŭ.
Ciapierašni vypusk — tolki pieršy etap ekśpierymienta. Navukoŭcy płanujuć praciahvać razvodzić vaśminohaŭ u łabaratoryi i vypuskać novyja partyi ŭ mora, adnačasova aceńvajučy ich vyžyvalnaść i ŭpłyŭ na papulacyju błakitnaha kraba.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary