«Z padniatym kuzavam praciahnuŭ ruch». U Rečyckim rajonie hruzavik paškodziŭ puciepravod pry dziŭnych abstavinach
DTZ adbyłosia kala čaćviortaj hadziny ranicy 31 žniŭnia na trasie M-10 u Rečyckim rajonie. Pavodle infarmacyi Dziaržaŭtainśpiekcyi, hruzavik «Donfienh» ruchaŭsia z padniatym kuzavam i začapiŭ im bietonnuju plitu puciepravoda na darozie Žmuraŭka — Haroškaŭ, piša «Fłahštok».
U vyniku avaryi 35‑hadovy kiroŭca atrymaŭ pierałomy i byŭ špitalizavany ŭ reanimacyju. Paźniej stała viadoma, što jaho žyćciu ničoha nie pahražaje, adnak jon praciahvaje lačeńnie ŭ balnicy Rečycy. Sam puciepravod taksama atrymaŭ značnyja paškodžańni.
Jak raskazała krynica «Fłahštoka», znajomaja z abstavinami zdareńnia, usio mahło pačacca z huku, jaki išoŭ ad koła. Kiroŭca nibyta pačuŭ niešta padazronaje, vyrašyŭ pravieryć, ci ŭsio ŭ paradku, i padniaŭ dla hetaha kuzaŭ. Paśla hetaha jon, pavodle hetaj viersii, zabyŭsia kuzaŭ apuścić i praciahnuŭ ruch.
U vyniku samazvał na chutkaści ŭrezaŭsia ŭ puciepravod. Situacyja vyhladaje davoli niezvyčajnaj, bo pry ruchu z padniatym kuzavam aŭtamabil pavinien byŭ stać mienš ustojlivym, a ŭ kabinie, jak miarkujecca, pavinny byli spracavać adpaviednyja sihnalizatary.
Hruzavik pieravoziŭ piasok, jaki zdabyvajuć u Rečyckim rajonie. Samazvał naležyć pryvatnamu pradpryjemstvu, jakoje pieramahło ŭ tendary na pastaŭku piasku dla adnaho z abjektaŭ.
Nakolki surjoznyja paškodžańni atrymaŭ puciepravod, aficyjna pakul nie paviedamlajecca.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary