Hetaha byłoha čyhunačnika nazyvali «vartavym Krapivienskaha pola».
Hienadziu Šepielevu sioleta spoŭniłasia 70 hadoŭ. Jon žyŭ u Barani (Aršanski rajon). Były desantnik, jon pracavaŭ mašynistam, paśla zarablaŭ jak pradprymalnik.
Hienadzia Šepieleva nazyvali «vartavym Krapivienskaha pola». Doŭhi čas jon arhanizoŭvaŭ bardaŭskija festy ŭ honar histaryčnaj bitvy pad Oršy 8 vieraśnia 1514 hoda.
Časam heta prachodziła ŭ ekstremalnych umovach. Voś jak apisvała padziei 2007 hoda «Naša Niva»: «Užo ŭ ciemry milicyjanty pačali abšukvać terytoryju ŭzdoŭž šašy Orša-Dubroŭna. Tamu Hienadź Šepieleŭ na svajoj bajdarcy pa rečcy Krapiŭnie dastaviŭ da adnaho ź impravizavanych vohniščaŭ palityka Paŭła Sieviarynca».
Kali toje stała niemahčyma z pryčyn represij, Šepieleŭ napiaredadni ŭhodkaŭ asabista źjaŭlaŭsia na poli z namiotam i načavaŭ u lehiendarnych miaścinach, nibyta vartujučy ich ad voraha.
«Čałaviek spravy. Čałaviek, što moh abjadnoŭvać i padtrymlivać ludziej. Ja zaŭsiody ŭsprymaŭ jaho jak biełaruskaha vołata. Niahledziačy na svaje salidnyja hady, jon mieŭ vydatnuju fizičnuju formu (jakaja stvarała ŭražańnie, što ź im ničoha drennaha ŭ płanie zdaroŭja nie moža adbycca). Jaho biełaruskamoŭnaść była ščyraja i zavaražalnaja. Jon moh raspavieści šmat historyj, jak biełaruskaja mova jamu dapamahła. I adznačyć: a nie razmaŭlaŭ by na biełaruskaj movie, hetaha b sa mnoj nie adbyłosia», — piša pra jaho ziamlak.
Hienadź Šepieleŭ zaprašaŭ u Oršu i našaniŭcaŭ, arhanizoŭvaŭ sustrečy redaktaraŭ z čytačami na zavodach i va ŭstanovach kultury.
Na minułym tydni ŭ Hienadzia Šepieleva skoknuŭ cisk, jaho pakłali ŭ kardyjałohiju, ale jon zachoŭvaŭ dobry nastroj, žartavaŭ, pišuć siabry ŭ sacsietkach. Z 8 vieraśnia jon byŭ u komie.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Vializnaja strata dla Biełarusi. Škada, što dziadźka nie dačakaŭsia lepšych časoŭ.
Zialonaje vulicy tabie, spadar Mašynista.