Prykładna pałova ludziej, jakija vyžyli paśla teraktaŭ 11 vieraśnia, zachvareła na rak
Praz 25 hadoŭ paśla teraktaŭ 11 vieraśnia 2001 hoda kala pałovy z prykładna 54 tysiač zarehistravanych ludziej, jakija pieražyli ataki, sutyknulisia z ankałahičnymi zachvorvańniami abo prachodzili lačeńnie ad raku. Pra heta piša The Washington Post.
Za apošnija piać hadoŭ kolkaść udzielnikaŭ prahramy World Trade Center Health Program, jakija atrymlivajuć dapamohu ŭ suviazi z rakam, vyrasła bolš čym utraja.
Daśledčyki źviazvajuć vysoki ŭzrovień zachvorvańniaŭ z taksičnymi rečyvami, jakija trapili ŭ pavietra paśla abrynańnia viežaŭ Suśvietnaha handlovaha centra. U pyle i dymie ŭtrymlivalisia aźbiest, bienzoł i inšyja kancerahiennyja rečyvy. Pažary na miescy katastrofy praciahvalisia jašče niekalki miesiacaŭ.
U červieni 2021 hoda dapamohu ŭ suviazi z ankałahičnymi zachvorvańniami atrymlivali kala 9 tysiač udzielnikaŭ prahramy. Da 2026 hoda ich kolkaść vyrasła bolš jak da 27 tysiač.
Miedyki papiaredžvajuć, što kolkaść dyjahnazaŭ moža praciahvać pavialičvacca, bo niekatoryja vidy raku mohuć prajavicca praź dziesiacihodździ paśla ŭździejańnia kancerahiennych rečyvaŭ.
Pavodle acenak ekśpiertaŭ, kolkaść ludziej, jakija ŭžo pamierli ad raku i inšych doŭhaterminovych nastupstvaŭ teraktaŭ 11 vieraśnia, pieravysiła 2977 čałaviek, jakija zahinuli niepasredna ŭ dzień atak. Pry hetym udzielniki miedycynskaj prahramy mohuć mieć nižejšuju śmiarotnaść ad raku dziakujučy rehularnym miedycynskim abśledavańniam.
U Ńju-Jorku adnavili Viežy-bliźniaty ŭ naturalnuju vieličyniu z dapamohaj 2977 dronaŭ — pa kolkaści achviar terakta 11 vieraśnia
Svajaki achviar teraktaŭ 11 vieraśnia vystupili suprać udziełu ńju-jorkskaha mera-musulmanina ŭ žałobnaj cyrymonii
Syn Usamy bien Ładena, jakoha ličyli miortvym, buduje łahiery dla terarystaŭ
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Heta nie dziva, takoje byvaje praz atamny znos budynkaŭ.
Voś vam prostaja reč - tranfarmatarnaje masła.
https://en.wikipedia.org/wiki/Polychlorinated_biphenyl
Na jakim z savieckich transfarmataraŭ vy bačyli kali-niebudź, dzie-niebudź u SSSR
padobnuju nalepku:
https://en.wikipedia.org/wiki/Polychlorinated_biphenyl#/media/File:CP-SLOPE-wb-gantry-power-supply-transformer-PCB-warning.jpg
Sa staronki pa polichłorbifieniłam na ruskaj:
"Po priedvaritielnym dannym na 1991 hod, v mirie było proiźviedieno około 1,2 młn t PCHB, iz nich 35 % postupiło v okružajuŝuju sriedu i liš 4 % podvierhłoś razłožieniju.
V SSSR polichłorbifieniły proizvodiliś s 1934 do konca 1995 hoda. Oni vypuskaliś pod markami sovoł, sovtoł i hieksoł. Osnovnymi proizvoditielami sovołov byli PO «Orhstiekło» (Dzieržinsk), PO «Orhsintiez» (Novomoskovsk) i opytnyj zavod VNITIH (Vsiesojuznyj naučno-isśledovatielskij institut hierbicidov, Ufa). "
Cikaŭnym mahu prapanavać zirnuć na transfarmatar, starejšy za mianie na 5 hadoŭ, 1963-ha hoda vypusku. Prykładam tut:
https://www.google.com/maps/@54.0972722,27.1774117,88m/data=!3m1!1e3?hl=en&entry=ttu&g_ep=EgoyMDI2MDkwOS4wIKXMDSoASAFQAw%3D%3D
Na dadzieny momant ja ničoha nie viedaju pra masła, jakoje vykarystoŭvałasia mienavita u hetym transfarmatary (TSMA - Transfarmatar Siłavy Maślana Atmaśfierny - pa typu achałodžvańnia), ale mianie naściarožvaje adsutnaść nalepak i na tranfarmatarach paźniejšych hadoŭ vypusku.
Spalić PCHB prosta tak nielha, partebna ustanoŭka vysokatempieraturnaha hareńnia.
Pa spasyłcy vyšej sapraŭdny muziejny ekspanat. Jamu 63 hady i na jahonaj šyldzie značycca jašče SNCH (SovNarChoz) BSSR.
Savieckamu elektryku uvohule nie varta było viedać pra PCHB?!
Tamu statystyka u ZŠA i Biełarusi musić być pryncypova roznaj. Jany u stanie padličyć vypadki raku u vyniku abrušeńnia dvuch vysotnych budynkam.
Nu a my?!
Apakalipsis z 90-ch:
"
- A ty znaješ, čto naš inžienier po tiechnikie biezopasnosti sdiełał s židkimi otchodami?
- ?
- Pohruził płastikovuju bočku v bahažnik svoich žihulej, otviez v les i zakopał.
"
Instytut Fiziki AN BSSR nie zmoh, zhubiŭšy finansavańnie VPK, kupić płaźmienuju pieč dla utylizacyi vadkich adkidaŭ.