U Pietrykavie 49‑hadovy mužčyna pamior paśla taho, jak padčas siamiejnaha zastolla padaviŭsia kavałkam šašłyka. Svajaki sprabavali jamu dapamahčy, ale vyratavać mužčynu nie ŭdałosia, paviedamlaje «Homielskaja praŭda».
Sudova-miedycynskaja ekśpiertyza ŭstanaviła, što pryčynaj śmierci stała miechaničnaja aśfiksija — dychalnyja šlachi byli pierakrytyja inšarodnym ciełam. U hartani zahinułaha znajšli davoli vialiki kavałak syroha miasa.
Akramia taho, daśledavańnie pakazała, što ŭ kryvi mužčyny ŭtrymlivałasia 2,9 pramile etyłavaha śpirtu. Pavodle ekśpiertaŭ, u žyvoha čałavieka taki pakazčyk moža adpaviadać siaredniaj stupieni vostraj ałkaholnaj intaksikacyi.
Pavodle dadzienych Suśvietnaj arhanizacyi achovy zdaroŭja, štohod u śviecie bolš za 160 tysiač čałaviek pamirajuć, padaviŭšysia ježaj abo inšymi pradmietami. U Biełarusi takija vypadki taksama adbyvajucca štohod i vymiarajucca dziesiatkami. Bolšaść zahinułych u momant trahiedyi znachodzilisia ŭ stanie ałkaholnaha apjanieńnia.
Šašłyk u Breście abyšoŭsia ŭ 14,5 tysiačy rubloŭ
Dalnabojščyk sa Smalavič za rulom jeŭ cukierku i padaviŭsia. U vyniku zahinuli dvoje
U Staŭbcoŭskim rajonie mužčyna padaviŭsia sardelkaj i pamior
Načalnik adździeła FSB pa baraćbie z teraryzmam pamior, padaviŭšysia kavałkam miasa. Prynamsi, takaja aficyjnaja viersija
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary