U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach
«Ja pryhatuju ź ciabie piure, zrazumieŭ?» — kryčyć jamu kamandzir i praciahvaje źbivać.
Brytanskaja hazieta The Sun apublikavała historyi pra toje, jak rasijskija kamandziry katujuć ułasnych sałdat. Jak miarkujecca, adna z achviar — biełarus.
Na hetym zapisie bajec visić na drevie ŭniz hałavoj: jaho pryviazali za nohi viaroŭkaj da haliny. Kamandzir raz za razam bje jaho pałkaj, a toj sprabuje prykryć rukami hienitalii.
«Ja pryhatuju ź ciabie piure. Zrazumieŭ?» — kryčyć aficer.
Miarkujecca, što achviara ź Biełarusi, bo, jak tłumačać brytancy, «da jaho źviartajucca słovam «bulbaš» — źnievažalnaj mianuškaj dla biełarusaŭ».
Inšych źviestak pra hetaha čałavieka — imia, numar čaści, miesca zdymki — u publikacyjach niama.
Za što mienavita jaho karali, nieviadoma. Pavodle paviedamleńniaŭ, jon moh admovicca iści ŭ boj — a za takoje ŭ rasijskim vojsku zabivajuć.
Heta nie adziny zapis. Na druhim videa kamandzir rasijskaha padraździaleńnia nahami bje sałdata, jaki skruciŭsia na ziamli. Na trecim — bajca pryviazvajuć da dreva i bjuć pałkaj pa hołaj śpinie. Tut achviara z Baškartastana, da jaho taksama źviartajucca źnievažalna: «Ty, baškir». Jaho pravina ŭ tym, što jon nie skinuŭsia razam ź inšymi hrašyma na nabyćcio dronaŭ.
«Dyk ty vyrašyŭ zekanomić, nie ŭkładajučy hrošaj, bł***! Tvaje siabruki apošnija kapiejki źbirajuć na drony, bł***… Jany ŭkładvajuć, bł***!» — kryčyć kat. Źbity sałdat u ahonii adkazvaje: «Ja ŭkładu, ja ŭkładu!»
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary