Upaŭ ź leśvicy i raźbiŭsia naśmierć rasijski televiadučy Siarhiej Sasiedaŭ
Sasiedaŭ pracavaŭ členam žury biełaruskaha «Faktar Baj». Jon byŭ adkrytym hiejem i — što samaje prykraje — prychilnikam Uładzimira Pucina.
23 vieraśnia va ŭzroście 58 hadoŭ pamior rasijski žurnalist, muzyčny krytyk i televiadoŭca Siarhiej Sasiedaŭ. Pra jaho śmierć paviedamili rasijskija ŚMI sa spasyłkaj na prapahandysta Vadzima Takmianiova.
Pavodle hetych paviedamleńniaŭ, pryčynaj śmierci staŭ niaščasny vypadak. Padčas hastrolaŭ u jakuckim Nierunhry Sasiedaŭ upaŭ ź leśvicy. U vyniku atrymanaj traŭmy ŭ jaho raźviŭsia aciok mozhu.
Papularnaść Siarhiej Sasiedaŭ atrymaŭ paśla ŭdziełu ŭ teleprahramie «Akuły piara». Jon taksama byŭ členam žury muzyčnych prajektaŭ «Ch-faktar» i «Supierstar! Viartańnie», a taksama vioŭ tok-šou «Za hrańniu» na telekanale NTV.
Jak i vielmi mnohija inšyja rasijskija publičnyja asoby sa śfiery šou-biznesu, Siarhiej Sasiedaŭ byŭ prychilnikam Uładzimira Pucina i jahonaj impierskaj palityki. Paśla anieksii Kryma jon vystupaŭ z praŭładnaj rytorykaj, rabiŭ ukrainafobskija zajavy i admoŭna vykazvaŭsia pra rasijan, jakija emihravali z krainy paśla pačatku poŭnamaštabnaj vajny Rasii suprać Ukrainy.
Praŭda, u apošnija hady žyćcia Sasiedaŭ razyšoŭsia ŭ pohladach z režymam Łukašenki. Raniej jon kala 20 razoŭ pryjazdžaŭ na «Słavianski bazar» u Viciebsku, ale ŭ 2021 hodzie jamu zabaranili ŭjezd u Biełaruś. Pryčynu hetaha ŭłady nie patłumačyli. Sam Sasiedaŭ źviazvaŭ heta z palityčnaj situacyjaj i svajoj admovaj pracavać u biełaruskaj viersii X-Factor.
Paśla zabarony Sasiedaŭ zajaviŭ, što bolš nie budzie pryjazdžać u Biełaruś, pakul kiruje ciapierašniaja ŭłada. Jon taksama skazaŭ, što jamu škada Biełaruś i biełarusaŭ, jakich nazvaŭ cudoŭnymi, čystymi, naiŭnymi i vielmi davierlivymi ludźmi, jakija stali achviarami žorstkaj tyranii.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha45
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ88
Kamientary