27‑hadovym pamior adziny syn Sindzi Kroŭfard, madel Preśli Hierbier
Preśli pamior u niadzielu, 20 vieraśnia, u reabilitacyjnym centry, pavodle danych miedycynskaha ekśpierta akruhi Łos-Andželes.
Pradstaŭnik maci Preśli, supiermadeli Sindzi Kroŭfard, jaho baćki Rendzi Hierbiera i siastry Kai Hierbier paviedamiŭ People: «Siamja prosić pavažać ich pryvatnaść u hety vielmi ciažki i balučy čas».
Preśli byŭ synam madeli Sindzi Kroŭfard i biznesmiena Rendzi Hierbiera. Jon taksama byŭ bratam madeli i aktrysy Kai Hierbier.
Preśli naradziŭsia ŭ Beverli-Chiłz, štat Kalifornija, u 1999 hodzie i sam pracavaŭ madellu. U śniežni 2019 hoda jamu vystavili abvinavačańnie ŭ kiravańni aŭtamabilem u niećviarozym stanie, a ŭ 2020 hodzie jon zrabiŭ tatuiroŭku na tvary z nadpisam «Niapravilna zrazumiety». Praz hod, padobna, jon vydaliŭ jaje.
Pierad śmierciu Hierbier pačaŭ adkryta raspaviadać pra svaje prablemy ź psichičnym zdaroŭjem i złoŭžyvańniem psichaaktyŭnymi rečyvami.
«Pieražyŭšy prablemy ź psichičnym zdaroŭjem, depresiju i niekatoryja inšyja rečy, jakija z hetym źviazanyja, ja dumaju, što niezaležna ad taho, dapamahu ja adnamu čałavieku ci sta ludziam vybracca z taho stanu, u jakim kaliści znachodziŭsia sam, hetaha dla mianie dastatkova», — skazaŭ jon u padkaście Studio 22.
«[Psichičnaje zdaroŭje] — heta prablema. Heta vielizarnaja častka majho žyćcia. Heta praca 24/7, i tut tak šmat usiaho», — praciahnuŭ Preśli. «Mienavita hetym ja sapraŭdy chaču zajmacca: dapamahać ludziam — niezaležna ad taho, znachodziciesia vy ŭ depresii ci zmahajeciesia z čymści, što niehatyŭna ŭpłyvaje na vaš arhanizm. Heta moža być što zaŭhodna, i tut niama miesca asudžeńniu».
Jon dadaŭ: «Ja šmat čaho pabačyŭ i šmat čamu navučyŭsia. Ja spadziajusia, što zmahu zrabić tak, kab niekatorym inšym ludziam nie daviałosia rabić tyja ž pamyłki, jakija zrabiŭ ja».
Jašče adno videa, apublikavanaje ŭ lipieni 2025 hoda, było pryśviečana ŭkaranieńniu zdarovych zvyčak u jaho žyćcio. Jon raskazaŭ, što ŭ dziacinstvie byŭ «vielmi aktyŭnym» dziciem: zajmaŭsia sportam, sierfinham, vodnym poła i płavańniem.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1616
Kamientary