Лукашэнка назваў дурасцямі публікацыі ў заходніх СМІ пра ваенную пагрозу з боку Расіі і Беларусі
Палітык сёння правёў нараду з сілавікамі па выніках праверкі баявой і мабілізацыйнай гатоўнасці 7‑й асобнай спецыяльнай міліцэйскай брыгады ўнутраных войскаў МУС.
«Вы, напэўна, заўважылі, што апошнім часам у СМІ нашы заходнія так званыя партнёры надаюць пільную ўвагу таму, што адбываецца ва ўзброеных сілах нашай краіны. Іх перш за ўсё занепакоіў той факт, што мы занадта часта, вельмі прадметна і інтэнсіўна праводзім праверкі частак узброеных сіл. Не толькі арміі, але і ўсіх узброеных сіл», — адзначыў Лукашэнка.
«У сувязі з гэтым, карыстаючыся цяперашнім выпадкам, хачу сказаць ім, што ніякай надзвычайшчыны тут няма. Шчыра і адкрыта я сказаў, што мы рыхтуемся да вайны, каб яе пазбегнуць. Мы ні на каго нападаць не збіраемся, як апошнім часам у СМІ нашы заходнія «сябры» разгарнулі кампанію пра тое, што Расія нападзе як мінімум на краіны Балтыі, магчыма, на Польшчу з тэрыторыі Беларусі і разам з Беларуссю», — заявіў Аляксандр Лукашэнка.
«Другі кірунак іх крытыкі так званай Беларусі — нібыта мы збіраемся прабіць Сувалкаўскі калідор у напрамку Калінінградскай вобласці. Я не хачу тут перад імі апраўдвацца. Гэта поўныя дурасці», — дадаў ён.
Таксама Лукашэнка заявіў, што інцыдэнт з нібыта пранікненнем узброенай групы з Беларусі ў Латвію быў інсцэніраваны.
«Мы выдатна ведаем, мне ўжо далажылі, што ўсё гэта было зроблена самімі латышамі як інфармацыйная нагода, каб атрымаць грошы ад Еўрапейскага саюза. Мы да гэтага ніякага дачынення не маем. Што мы там (нібыта) праніклі на іх тэрыторыю — людзі ў масках, вайскоўцы — кагосьці схапілі, захапілі або запіхнулі туды нейкую групу мігрантаў. Большай дурасці не прыдумаеш», — сказаў ён.
На мінулым тыдні латвійскія СМІ паведамілі пра правакацыю на мяжы з Беларуссю.
Спачатку людзі ў чорным адзенні, з тварамі, схаванымі пад маскамі, меркавана ўзброеныя, выштурхоўвалі мігрантаў на латвійскі бок.
Пазней такія ж людзі перасеклі мяжу і скралі камеры відэаназірання, пасля чаго вярнуліся на тэрыторыю Беларусі.
Пасля ў інтэрнэце з'явіўся відэаролік ад імя нейкай арганізацыі «Чорныя русы», якая ўзяла на сябе адказнасць за гэты інцыдэнт.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары