Prezident Ukrainy choča, kab ZŠA admianili abmiežavańni na abmien raźviedvalnymi danymi i pastaŭki zbroi.
Prezident Ukrainy Uładzimir Zialenski źviarnuŭsia da dvuchpartyjnaj hrupy sienataraŭ ZŠA z prośbaj nacisnuć na administracyju prezidenta Donalda Trampa, kab taja admianiła abmiežavańni na abmien raźviedvalnymi danymi i pastaŭki zbroi. Pra heta piša «Ukrainskaja praŭda» sa spasyłkaj na Axios.
Pavodle źviestak Axios, jakoje atrymała stenahramu sustrečy, padčas anłajn-razmovy z hrupaj sienataraŭ na čale z respublikancam Tomam Cilisam i demakratam Ryčardam Blumientalem Zialenski raskazaŭ pra prablemy, ź jakimi sutyknułasia Ukraina.
U pryvatnaści, havorka išła pra spadarožnikavyja sistemy Starlink i Starshield, jakija, pavodle jaho słoŭ, praciahvajuć pracavać z peŭnymi abmiežavańniami, niahledziačy na supraćlehłyja zajavy Biełaha doma.
«My dahetul nie majem nijakich tłumačeńniaŭ hetamu. Na žal, my čujem tolki roznyja dziŭnyja historyi», — skazaŭ Zialenski sienataram i dadaŭ, što heta ŭskładniaje zdolnaść Ukrainy źbivać rasijskija ŭdarnyja bieśpiłotniki.
Prezident Ukrainy adznačyŭ, što na praciahu minułaha tydnia Ukraina trojčy, u tym liku ŭ niadzielu, nie atrymlivała ad ZŠA papiaredžańniaŭ pra rasijskija balistyčnyja rakietnyja ŭdary. Jon vykazaŭ zdahadku, što heta śviedčyć pra abmiežavańni ŭ abmienie raźviedvalnymi danymi.
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary