Hadzina na soncy pavyšaje testasteron na 69%.
Sprava ŭ tym, što razam z uzroŭniem vitaminu D u mužčynskim arhaniźmie raście kancentracyja pałavoha harmonu testasteronu.
Najbolšaj seksualnaściu vałodajuć tyja pradstaŭniki mocnaj pałovy, u čyjoj kryvi ŭtrymlivajecca nie mieniej za 30 nanahramaŭ «soniečnaha vitaminu» na mililitr, śćviardžajuć daśledčyki ź Miedyčnaha ŭniviersiteta Hraca (Aŭstryja).
Pryčym, siaredniaje ŭtrymańnie testasteronu na praciahu hoda značna vahajecca. Hetak,
z kastryčnika, kali soniečnaja radyjacyja źmianšajecca, uzrovień abodvuch rečyvaŭ (vitamin D, testasteron) značna panižajecca. Minimalnaha značeńnia testasteron dasiahaje ŭ sakaviku. Mienavita ŭ hetyja miesiacy źnižajecca i mužčynskaje libida (połavaja ciaha).
Adkryćcio paćviardžaje vyniki papiarednich daśledavańniaŭ, padčas jakich testasteron, vyłučajecca pad uździejańniem sonca kletkami Lejdziha ŭ siamieńnikach, udzielničaje ŭ raźvićci mužčynskich pałavych orhanaŭ, druhasnych pałavych prykmietaŭ, rehuluje śpiermatahienez i pałavyja pavodziny, a taksama ŭpłyvaje na azocisty dy fosfarny abmieny.
«Soniečny» vitamin, pavodle navukoŭcaŭ, taksama zdolny panižać ryzyku zachvorvańnia na rak kišečnika.
Daśledavańni pakazali, što tyja, chto majuć najbolšuju kancentracyju vitaminu D u kryvi, chvarejuć ankałahičnymi chvarobami na 40% radziej.
Adnak sonca zdolnaje i škodzić: praźmiernaje zaharańnie nie daje karyści arhanizmu. Naadvarot, chto piačecca na soncy, ryzykuje zachvareć na rak skury. Dyj prosta stamlajecca chutčej.
Tamu baŭcie čas na volnym pavietry, ale nie zaharajcie śpiecyjalna.
Kamientary