Гадзіна на сонцы павышае тэстастэрон на 69%.
Справа ў тым, што разам з узроўнем вітаміну D у мужчынскім арганізме расце канцэнтрацыя палавога гармону тэстастэрону.
Найбольшай сэксуальнасцю валодаюць тыя прадстаўнікі моцнай паловы, у чыёй крыві ўтрымліваецца не меней за 30 нанаграмаў «сонечнага вітаміну» на мілілітр, сцвярджаюць даследчыкі з Медычнага ўніверсітэта Граца (Аўстрыя).
Прычым, сярэдняе ўтрыманне тэстастэрону на працягу года значна вагаецца. Гэтак,
з кастрычніка, калі сонечная радыяцыя змяншаецца, узровень абодвух рэчываў (вітамін D, тэстастэрон) значна паніжаецца. Мінімальнага значэння тэстастэрон дасягае ў сакавіку. Менавіта ў гэтыя месяцы зніжаецца і мужчынскае лібіда (полавая цяга).
Адкрыццё пацвярджае вынікі папярэдніх даследаванняў, падчас якіх тэстастэрон, вылучаецца пад уздзеяннем сонца клеткамі Лейдзіга ў сяменніках, удзельнічае ў развіцці мужчынскіх палавых органаў, другасных палавых прыкметаў, рэгулюе сперматагенэз і палавыя паводзіны, а таксама ўплывае на азоцісты ды фосфарны абмены.
«Сонечны» вітамін, паводле навукоўцаў, таксама здольны паніжаць рызыку захворвання на рак кішэчніка.
Даследаванні паказалі, што тыя, хто маюць найбольшую канцэнтрацыю вітаміну D у крыві, хварэюць анкалагічнымі хваробамі на 40% радзей.
Аднак сонца здольнае і шкодзіць: празмернае загаранне не дае карысці арганізму. Наадварот, хто пячэцца на сонцы, рызыкуе захварэць на рак скуры. Дый проста стамляецца хутчэй.
Таму баўце час на вольным паветры, але не загарайце спецыяльна.
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы2
Каментары