Łukašenka: «Słavianski bazar» — heta vialikaja palityka

Siońnia «Słavianski bazar u Viciebsku» staŭ častkaj nie tolki kultury, ale i vialikaj palityki, zajaviŭ Alaksandr Łukašenka na adkryćci fiestyvalu 9 lipienia.

«Akunuŭšysia ŭ atmaśfieru «Słavianskaha bazaru», «vyrazna razumieješ: słavianskaje adzinstva jość, ludzi ŭsim sercam chočuć žyć u adnoj siamji», — skazaŭ Łukašenka. «Vialikaja viera narodaŭ u słavianskaje braterstva, luboŭ da rodnaj ziamli słužać krynicaj žyvatvornaj siły našaha fiestyvalu, — zaznačyŭ jon. — Uśviedamleńnie hłybini našych karanioŭ, niepachisnaści ideałaŭ jadnańnia daje siły praciahvać ruch napierad, dabivacca taho, kab imknieńni našych narodaŭ pieramahli, niahledziačy ni na jakija pieraškody».

«Paradaksalna, ale fakt: my časam nie cenim najvialikšaje bahaćcie, jakoje majecca ŭ nas u rukach, — ahulnaść, jakaja histaryčna skłałasia i stała naturalnaj. I heta ŭ toj čas, kali Jeŭropa, inšyja rehijony imknucca abjadnacca, pryčym luboj canoj, idučy na achviary, va ŭron asobnym intaresam i navat dziaržavam, tamu što družba bolš kaštoŭnaja za luby raźlik», — zajaviŭ Łukašenka.

Pavodle jaho słoŭ, pamylajucca tyja, chto śpisvaje słavianskaje bractva ŭ sastarełyja i niamodnyja ideały. Fiestyval u Viciebsku «staŭ svojeasablivym lusterkam najnoŭšaj historyi słavianskich narodaŭ, i ŭžo nie tolki słavianskich», jon «naradziŭsia dva dziesiacihodździ tamu na hlebie pačućcia hłybokaj horyčy ad naviazanaj nam razłučanaści». «My prosta tady ratavali samaje darahoje, što było ŭsmaktana nami z małakom maci, — słavianskaje braterstva», — skazaŭ biełaruski kiraŭnik.

«U adroźnieńnie ad mnohich inšych fiestyvalaŭ mižnarodnaha ŭzroŭniu «Słavianski bazar» — heta forum, dzie nikomu nie naviazvajuć jakija-niebudź standarty i ŭmovy», — zajaviŭ Łukašenka.

Jon taksama zaznačyŭ, što biełarusy «spakon viakoŭ šanujuć svaje tradycyi, ale razam z tym ni ŭ jakaj navat u samaj małoj stupieni nie zaražonyja nacyjanalizmam i adkrytyja ŭsiamu śvietu».

Łukašenka ŭručyŭ premii sajuznaj dziaržavy ŭ śfiery litaratury i mastactva za 2009 -2010 hady. Śpiecyjalnaja ŭznaharoda «Praz mastactva da miru i ŭzajemarazumieńnia» prysudžana narodnamu artystu SSSR Uładzimiru Mulavinu (paśmiarotna) i biełaruskamu dziaržaŭnamu ansamblu «Pieśniary». Orden Francyska Skaryny ŭručany narodnamu artystu Rasii Juryju Antonavu.

Adrazu paśla vystupleńnia biełaruski kiraŭnik adpraviŭsia ŭ Krym, dzie budzie brać udzieł u niefarmalnym samicie SND i śviatkavańni, pavodle jaho vyrazu, «vialikaha jubileju» prezidenta Ukrainy Viktara Janukoviča, jaki adznačajet 60-hodździe.

• 0
• 0
• 0
• 0
• 0
• 0
• 0
• 0