Nacbank chutčej pahodzicca na 100% adnarazovuju devalvacyju biełaruskaha rubla, čym pojdzie na zamarožvańnie valutnych układaŭ.
Nacbank Biełarusi kateharyčna abvierh mahčymaść zamarožvańnia valutnych układaŭ nasielnictva ŭ biełaruskich bankach.
«Takija kamientary i ekśpiertnyja mierkavańni tolki padahravajuć i biez taho niaprostuju situacyju na biełaruskim finansavym rynku», — afn.by cytuje nienazvanaha pradstaŭnika Nacbanku, jaki kamientuje ahučanaje ŭčora mierkavańnie hiendyrektara ZAT «Biełrosstrach» Viktara Łaŭrusienki. Łaŭrusienka, nahadajem, vystupiŭ za zamarožvańnie ŭkładaŭ.
«Niezaležna ad taho, chto vystupaje ŭłaśnikam banka — pryvatny biznes abo dziaržava, układy zaŭsiody i ŭ poŭnym abjomie viartalisia ŭkładčykam, u tym liku i za košt biudžetnych srodkaŭ. Siońnia biełaruskaje zakanadaŭstva praduhledžvaje, što luby depazitny ŭkład moža być zapatrabavany jaho ŭładalnikam na praciahu 5 dzion», — padkreśliŭ pradstaŭnik Nacbanku.
Nienazvany pradstaŭnik adnaho z kamiercyjnych bankaŭ, spasyłajučysia na pazicyju kiraŭnictva Nacbanku, skazaŭ, što Nacbank chutčej pahodzicca na 100% adnarazovuju devalvacyju biełaruskaha rubla, čym pojdzie na zamarožvańnie valutnych układaŭ.Nacbank ličyć rost depazitaŭ nasielnictva važnaj zavajovaj bankaŭskaj sistemy krainy.
Jak viadoma, abjom depazitaŭ ros da lutaha, ale ŭ sakaviku finansavy kryzis vyklikaŭ paniku na valutnym rynku. Heta pryviało spačatku da masavaha adtoku valutnych układaŭ, a ciapier pierakinułasia i na rublovyja. Niepakoj spravakavali kiepskija finansavyja pakazčyki Biełarusi. Valutnyja reziervy krainy rezka źnizilisia na fonie zatratnaj kampanii «vybaraŭ» Alaksandra Łukašenki. Dziela stymulavańnia ekanamičnaha rostu i rostu zarpłat u haspadarku pierad vybarami byli ŭpampavanyja značnyja srodki, što pryviało da pierahrevu ekanomiki.
Pieramovy pra ich praciahvajucca, ale Maskva abstaŭlaje pazyki ŭmovami. Farmalna havorka idzie pra azdaraŭleńnie finansavaj palityki Biełarusi, pra nieaficyjnyja baki pieramovaŭ infarmacyi niama.Ułady źviazvajuć nadziei na stabilizacyju finansavaha rynku z atrymańniem novych kredytaŭ ad Rasii.
Da siońniašniaha dnia bolšaść ekśpiertaŭ sychodziłasia ŭ mierkavańni, što zdabyćcia rasijskich kredytaŭ budzie dastatkova dla narmalizacyi situacyi na finansavym rynku.Kałaps finansavaj sistemy i niepłatazdolnaść Biełarusi nie padavalisia imaviernym varyjantam. Reč u tym, što ekspartnaja kańjunktura na asnoŭnyja biełaruskija tavary (kalij, naftapradukty, chimija, sielhaspradukty) nadzvyčaj spryjalnaja, a asnoŭnyja zamiežnyja rynki zbytu pieražyvajuć paślakryzisny rost.
-
«Usiu vyhadu ad hetaha zajmieje Maskva i Pucin». Paźniak daŭ acenku vizitu Cichanoŭskaj va Ukrainu
-
Jak buduć raźvivacca padziei, kali Maskva znoŭ, jak i ŭ 2022, pačnie nanosić udary pa Kijevie z terytoryi Biełarusi? Mahčymyja scenary
-
Kaleśnikava: Ja nikoli nie kažu pra vajennyja sankcyi. Ale isnuje spartyŭny trek, pamiežnyja pytańni, miedycyna — usio što zaŭhodna
Ciapier čytajuć
Łukašenka: Razmova z Makronam doŭžyłasia 1 hadzinu 40 chvilin. Projduć pieramovy z pradstaŭnikom Francyi4
Kamientary