Viktar Janukovič źmianiŭ zamiežnapalityčny kurs krainy i dziejničaje jašče bolš aktyŭna, čym Juščanka.
Prezident Ukrainy Viktar Janukovič źmianiŭ zamiežnapalityčny kurs krainy i ciapier jašče bolš aktyŭna, čym jaho papiarednik na pasadzie Viktar Juščanka, pravodzić kurs na zbližeńnie z NATO. Jon abmiarkoŭvaje z kiraŭnictvam aljansa budučyniu Čarnamorskaha fłotu Rasii, supraćrakietnuju abaronu, prydniastroŭskaje ŭrehulavańnie, reformu ŭkrainskaj raźviedki, enierhietyčnuju i ekanamičnuju biaśpieku Ukrainy i kancepcyju zamiežnaj palityki.
Pra heta ŭ aŭtorak piša blizkaja da Kramla hazieta «Kamiersant», analizujučy zakryty dakumient z hrafikam
Vysokapastaŭlenaja krynica «Kommiersanta» va ŭkrainskim ŭradzie zajaviła, što źmieny ŭ zamiežnapalityčnaj aryjentacyi Ukrainy źviazanyja z rasčaravańniem ukrainskaha boku ŭ raźvićci adnosin z Rasiejaj, u pryvatnaści, adsutnaści raŭnapraŭnaha dyjałohu pa enerhietyčnych i handlovych pytańniach.
«U nas była iluzija, što kali ŭ adnosinach z Rasijaj źniać klučavyja razdražnialniki nakštałt pryznańnia Haładamoru hienacydam, płanaŭ ŭstupleńnia ŭ NATO, niežadańnia praciahvać prysutnaść Čarnamorskaha fłotu, to ŭsio naładzicca. Ale hetaha nie adbyłosia. Maskva choča, kab my znachodzilisia ŭ jaje arbicie i jašče za heta joj ža i dapłočvali. Uziać choć by Mytny sajuz. Nas tudy vielmi dziŭna kličuć. Nam nie kažuć, što my ad hetaha vyjhrajem, a pakazvajuć na toje, što stracim i jakija sankcyi ŭviaduć, kali admovimsia ŭ jaho ŭstupać i, nie daj boh, stvorym zonu svabodnaha handlu ź ES», — skazała krynica.
Pavodle jaho słoŭ, Kijevu taki padychod nie padabajecca, i, pakolki dyjałohu na roŭnych nie vychodzić, tam majuć namier zbližacca ź Jeŭropaj.
«Heta nie my addalajeiemsia ad Rasiei, a jana nas adšturchvaje», — rastłumačyŭ čynoŭnik.
Ukraina, u pryvatnaści, refarmuje armiju pa lekałach NATO, kab jana mahła całkam upisacca ŭ aljans.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa9
Kamientary