Jeŭropa pasłała Pucinu sihnał: vobšuki ŭ ofisach «Hazprama» ŭ dziesiaci dziaržavach
Kampaniju padazrajuć u niadobrasumlennaj kankurencyi.
Pradstaŭniki Jeŭrapiejskaj Kamisii praviali raptoŭnyja pravierki ŭ niekalkich kampanijach hazavaj haliny pa padazreńni ŭ parušeńni antymanapolnaha zakanadaŭstva Jeŭrasajuza, paviedamlaje RIA «Naviny», spasyłajučysia na
«Jeŭrakamisija praviała rejdavyja pravierki ŭ pamiaškańniach kampanij, jakija zajmajucca pastaŭkami, pieradačaj i zachoŭvańniem pryrodnaha hazu», — paviedamlaje Jeŭrakamisija.
U pryvatnaści, pieratrusy prajšli ŭ bierlinskim pradstaŭnictvie Gazprom Germania — daččynaj kampanii rasiejskaha «Hazprama» i ŭ ofisie daččynaj kampanii Vemex ŭ Čechii.
Sama Jeŭrakamisija nie nazyvaje kampanii, u ofisach jakich byli praviedzieny pieratrusy. Adnak da ciapierašniaha času infarmacyju ab pieratrusach paćvierdzili ŭ češskim padraździaleńni niamieckaha enierhakancerna RWE, u niamieckaj E.On Ruhrgas i ŭ polskaj hazavaj manapolii PGNiG, pieradaje Reuters.
«Siońnia ranicaj da nas u budynak z orderam na pieratrus pryjšli niekalki supracoŭnikaŭ Jeŭrakamisii, jany praviarajuć dziejnaść našaha pradpryjemstva», — skazaŭ
Usiaho pieratrusy prajšli ŭ dziesiaci dziaržavach.
«Kamisija aścierahajecca, što zacikaŭlenyja kampanii mohuć zajmacca antykankurentnymi praktykami ŭ parušeńnie antymanapolnaha zakanadaŭstva ES abo što jany vałodajuć infarmacyjaj, jakaja adnosicca da takoj praktyki», — havorycca ŭ
«Kamisija rasśleduje mahčymyja antykankurentnyja praktyki ŭ halinie pastavak pryrodnaha hazu ŭ dziaržavach Centralnaj i Uschodniaj Jeŭropy…Kamisija padazraje abmiežavalnyja pavodziny, takija jak siehmientacyja rynku, pieraškody dla dostupu da hazaraźmierkavalnych sietak, pieraškody dla dyviersifikacyi pastavak, a taksama mahčymyja ekspłuatatarskija pavodziny, naprykład, zavyšeńnie cen», — paviedamlaje Jeŭrakamisija.
U toj ža čas kamisija taksama vyvučaje padazreńni antykankurentnych pavodzin u škodu samim pastaŭščykam, taksama adznačajecca ŭ paviedamleńni.
«Fakt, što kamisija praviała padobnyja pravierki, nie aznačaje vinavataści kampanij», — havorycca ŭ paviedamleńni.
Zaraz kamisija pravieryć atrymanyja źviestki i prymie rašeńnie. U vypadku ŭstanaŭleńnia viny kampanijam pahražaje štraf, pamier jakoha vyznačyć Jeŭrakamisija.
Biełaruś i Ukraina taksama nie raz vinavacili «Hazpram» u advolnym utvareńni cenaŭ i vykarystańni hazavaha krana dla dasiahnieńnia ekanamičnych i palityčnych metaŭ, adnak hetyja krainy pakul nie zdoleli vypracavać skaardynavanuju palityku ŭ adnosinach z «Hazpramam».
U Biełarusi «Hazpram» dabivajecca poŭnaha kantrolu nad hazaraźmierkavalnymi sietkami «Biełtranshaza», manapalista ŭ hazavaj śfiery.
Pieratrusy ŭ Jeŭropie adbylisia nieŭzabavie paśla taho, jak stała viadoma, što ŭłada ŭ Rasii znoŭ aficyjna piarojdzie da Uładzimira Pucina — ideołaha pabudovy novych hazapravodaŭ «Paŭnočny patok» i «Paŭdniovy patok», jakija, pavodle zadumy, pavialičać dolu rasijskaha hazu ŭ jeŭrapiejskim paliŭnym bałansie.
Kamientary