Mastactvaznaŭca Siarhiej Chareŭski zaprašaje na biaspłatnuju ekskursiju pa Miensku:
Pačniecca jana 28 kastryčnika ŭ minskaj halerei Ščamialova, a 18.30 (praśpiekt Rakasoŭskaha, 49).
Tym, chto ŭžo sabraŭsia pahladzieć Kaliziej i Panteon, budzie prapanavana padumać: a čym jość mienskija kaliziei i panteony? Za što Miensk u XVIII stahodździ paraŭnoŭvali z Rymam?
Cykł publičnych lekcyj «Urbi et Orbi» («Horadu i Śvietu») — sproba hramadskich i kulturnych dziejačaŭ padzialicca svaimi rozdumami nad sučasnymi prablemami. Nievypadkova pieršym lektaram staŭ mastactvaznaŭca Siarhiej Chareŭski. Pakolki cykł lekcyj «Urbi et Orbi» projdzie ŭ Miensku, to jon niemahčymy biez razumieńnia, što takoje Miensk. Čysty horad? Stalica Respubliki Biełaruś?
A ci viedajecie vy, u jaki dzień upieršyniu zhadvajecca Miensk i ŭ suviazi ź jakoj padziejaj? Čym Miensk pryncypova adroźnivajecca ad usich astatnich bujnych haradoŭ Biełarusi? Ci viedajecie, što paśla Druhoj suśvietnaj vajny ŭ Miensku žyło 67 tysiač čałaviek?
***
Siarhiej Chareŭski — idealny lektar, kab cikava adkazać na ŭsie hetyja pytańni. Jon mastak i litaratar — apisvaje ŭsie lohka i pryhoža. Jon zajmaŭsia archieałohijaj — i zdolny dakapacca da samych hłybiniaŭ sensu horada. Jon vykładčyk — i ŭmieje zacikavić aŭdytoryju. Narešcie, jon karenny mienčuk — i lubić heta horad.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary