AAT «Hazpram» pieraličyć Biełarusi $2,5 młrd ad prodažu 50% akcyj AAT «Biełtranshaz» na praciahu 15 rabočych dzion z času padpisańnia damovy ab nabyćci-prodažy, paviedamili ŭ Dziaržaŭnym kamitecie pa majomaści.
Hety termin praduhledžany damovaj nabyćcia-prodažu 50% akcyj AAT «Biełtranshaz», jakaja padpisana 25 listapada ŭ Maskvie. U Dziaržkammajomaści taksama adznačyli, što schiema pastupleńnia hrošaj budzie ažyćciaŭlacca jak i ŭ minułyja razy, kali «Biełtranshaz» pradavaŭ akcyi dolami pa 12,5%. Srodki ad prodažu pavinny pastupić na rachunak Ministerstva finansaŭ u Nacyjanalnym banku.
U adpaviednaści z damovaj nabyćcia-prodažu 50% akcyj AAT «Biełtranshaz» «Hazpram» zapłacić za akcyi $2,5 młrd i stanie ŭładalnikam 100% hetaha pradpryjemstva. U mai 2007 hoda AAT «Hazpram» i Dziaržaŭny kamitet pa majomaści Biełarusi padpisali damovu nabyćcia-prodažu 50% akcyj AAT «Biełtranshaz» za $2,5 młrd roŭnymi dolami na praciahu čatyroch hadoŭ. U 2010 hodzie ździełka była zavieršiena.
Kamientary