Na im budzie prademanstravana kala 400 filmaŭ
Kala 400 filmaŭ buduć prezentavanyja na 57‑m Mižnarodnym kinafestyvali ŭ Berlinie.
Za Załatoha Miadźviedzia buduć zmahacca 22 filmy, siarod ich: «Dobry ahient» Roberta de Nira, stvorany na padstavie bijahrafii adnaho z zasnavalnikaŭ CRU, «Žyćcio ŭ ružovym śviatle» Alivera Daana pra žyćcio Edyt Piaf, «Dobry niemiec» Stefana Saderberha pra padziei ŭ pavajennym Berlinie, «Anioł» Fransua Azona, a taksama «Byvaj, Bafana» Bile Aŭhusta pra žyćcio Nelsana Mandeły.
57‑y Berlinski festyval praciahniecca da 18 lutaha. Akramia Załatoha Miadźviedzia za najlepšy film, buduć razdavacca i Srebranyja Miadźviedzi – za vybranyja filmy, a taksama lepšamu režyseru, aktorcy, aktoru, za dekaracyi i za najlepšuju muzyku. Asobnyja ŭznaharody pryznačajucca ŭ konkursie karotkametražnych filmaŭ.
«Berlinale» źjaŭlajecca adnym z najbolš značnych mižnarodnych kinafestyvalaŭ śvietu. Pravodzicca z 1951 h. U minułym hodzie Załaty Miadźviedź dastaŭsia dramie «Hrbavica» baśnijskaj režyserki Jaśmili Zbanic.
Kamientary