Prodaž ałkaholu ŭ studzieni skaraciŭsia na 6%.
Abmiežavańni prodažu pładovych vinaŭ dali svoj efiekt. Prodaž pładovych vinaŭ u studzieni skaraciŭsia ŭ paraŭnańni z anałahičnym pieryjadam minułaha hoda na 32,8 pracenta da 823,3 tys. dekalitraŭ, paviedamlaje ahienctva BIEŁTA sa spasyłkaj na Biełstat.
Uvohule,
u pieraliku na absalutny ałkahol, u studzieni pradali 717 tys. dał ałkaholnych napojaŭ. Heta na 6,1% mienš, čym u studzieni 2011 hoda.
Tym nie mienš, spažyvańnie ałkaholu zastałosia katastrafičnym. Kali pieravieści hetuju ličbu va ŭmoŭnuju harełku, to vychodzić, što kožny žychar krainy za miesiac vypiŭ pa 4 plaški. Kali ŭličyć, što pałova ludziej nie pje, heta aznačaje, što druhaja pałova pje praktyčna štodzionna, pryčym u vialikich kolkaściach.
Na spažyvieckim rynku realizavana ałkaholnych napojaŭ na Br980,1 młrd., što ŭ ahulnym abjomie razdrobnaha tavaraabarotu składaje 10,2%.
Pry hetym na struktury handlu adbiŭsia kryzis.
Prodaž daražejšaha napoju, kańjaku, upaŭ na 31,5% da 18,7 tys. dał.Prodaž vinahradnaha vina taksama źnizilisia na 10 pracentaŭ i skłaŭ 218,6 tys. dał.
U toj ža čas prodaž harełki vyras na 7,5% i skłaŭ 919 tys. dał,a realizacyja likiora-harełačnych vyrabaŭ pavialičyłasia na 11,6 pracenta i skłała 174 tys. dał.
Adnosna stabilnym zastałosia zimovaje spažyvańnie piva.Jano vyrasła ŭsiaho na 1,5% da 2328,7 tys. dał.
Miž tym vytvorčaść piva ŭzrasła na 53,3 pracentada 3,5 młn. dał, harełki i pitnoha śpirtu vyrablena 1334 tys. dał, što na 26,7 pracenta bolš, čym u studzieni minułaha hoda. Vypusk kańjaku pavialičyŭsia na 13 pracentaŭ da 26 tys. dał, pienistych vin - na 9,7 pracenta da 124 tys. dał. Pivavarnaha soładu vyrablena na 1,5 pracenta bolš - 15,2 tys.t.
Roźnica pajšła na ekspart.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary