Продаж алкаголю ў студзені скараціўся на 6%.
Абмежаванні продажу пладовых вінаў далі свой эфект. Продаж пладовых вінаў у студзені скараціўся ў параўнанні з аналагічным перыядам мінулага года на 32,8 працэнта да 823,3 тыс. дэкалітраў, паведамляе агенцтва БЕЛТА са спасылкай на Белстат.
Увогуле,
у пераліку на абсалютны алкаголь, у студзені прадалі 717 тыс. дал алкагольных напояў. Гэта на 6,1% менш, чым у студзені 2011 года.
Тым не менш, спажыванне алкаголю засталося катастрафічным. Калі перавесці гэтую лічбу ва ўмоўную гарэлку, то выходзіць, што кожны жыхар краіны за месяц выпіў па 4 пляшкі. Калі ўлічыць, што палова людзей не п'е, гэта азначае, што другая палова п'е практычна штодзённа, прычым у вялікіх колькасцях.
На спажывецкім рынку рэалізавана алкагольных напояў на Br980,1 млрд., што ў агульным аб'ёме раздробнага тавараабароту складае 10,2%.
Пры гэтым на структуры гандлю адбіўся крызіс.
Продаж даражэйшага напою, каньяку, упаў на 31,5% да 18,7 тыс. дал.Продаж вінаграднага віна таксама знізіліся на 10 працэнтаў і склаў 218,6 тыс. дал.
У той жа час продаж гарэлкі вырас на 7,5% і склаў 919 тыс. дал,а рэалізацыя лікёра-гарэлачных вырабаў павялічылася на 11,6 працэнта і склала 174 тыс. дал.
Адносна стабільным засталося зімовае спажыванне піва.Яно вырасла ўсяго на 1,5% да 2328,7 тыс. дал.
Між тым вытворчасць піва ўзрасла на 53,3 працэнтада 3,5 млн. дал, гарэлкі і пітнога спірту выраблена 1334 тыс. дал, што на 26,7 працэнта больш, чым у студзені мінулага года. Выпуск каньяку павялічыўся на 13 працэнтаў да 26 тыс. дал, пеністых він - на 9,7 працэнта да 124 тыс. дал. Піваварнага соладу выраблена на 1,5 працэнта больш - 15,2 тыс.т.
Розніца пайшла на экспарт.
Цяпер чытаюць
Сяргей Ціханоўскі запусціў свой ютуб-канал з вершамі і казкамі42
Каментары