Panika ŭ Jeŭropie, Rasii. Kali ceny na naftu dalej upaduć, Biełaruś čakaje paŭtor 2008 hoda.
Jeŭrapiejskija fondavyja rynki abvalilisia na fonie apublikavanych źviestak pra biespracoŭje ŭ ZŠA, dzie havorycca, što jano pavialičyłasia da 8,2%. U mai było stvorana 69 tys. pracoŭnych miescaŭ, što jość najmienšym pakazčykam z maja minułaha hoda.
Hetaja,
zdavałasia b, małaznačnaja navina nakłałasia na tryvožnyja čakańni adnosna Hrecyi i tryvožnuju situacyju ŭ bankaŭskaj śfiery Ispanii, Italii.
Da taho ž, ceny na naftu apuskalisia ciaham apošniaha miesiaca. Ahulnaje ich padzieńnie skłała kala 20%.
Francuzski indeks CAC 40 asieŭ na 2,4% i dasiahnuŭ 2944,55 punkta. Niamiecki DAX upaŭ na 3,4%, skłaŭšy 6051,14 punkta. Brytanski FTSE 100 abvaliŭsia na 1,35%, da 5248,98 punkta.
Košt fjučersaŭ na naftu marki Brent praciahvaje imkliva padać — źniziŭšysia na 3,79%, da $98,01 za barel. Cana na WTI źniziłasia na 4,15%, skłaŭšy $ 82,94 za barel.
Na piku cenaŭ Brent kaciravaŭsia pa 125, a WTI pa 105 dalaraŭ.
Paralelna z hetym idzie padzieńnie valut krain, što hruntujucca na dachodaŭ ad nafty i hazu.U Rasii kurs dalara znoŭ viartajecca da adznaki ŭ 34 rubli. Na 15.45 kurs dalara vyras na 48,75 kapiejki, skłaŭšy 33,96 rubla. Kurs jeŭra vyras na 42 kapiejki, da 41,85 rubla.
Nahadajem, što doŭhi čas za dalar davali kala 30, a za jeŭra — kala 40 rubloŭ.
Kali padziei pačnuć razhortvacca pa kryzisnaj śpirali, to i biełaruskuju ekanomiku čakaje paŭtor 2008–2009 hadoŭ z devalvacyjaj rubla i źmianšeńniem ekspartu.Reč u tym, što naša kraina ekspartuje pieravažna naftapradukty i kalij, ceny na jaki paŭtarajuć dynamiku naftavych. Astatnija, niesyravinnyja tavary zajmajuć mienšuju častku ŭ struktury našaha ekspartu. Bolš za toje, jany iduć zbolšaha ŭ Rasiju, jakaja sama abapirajecca na dachodach ad naftahazu. Biełaruś nijak nie moža paŭpłyvać na hety praces i budzie zaležać ad cenaŭ na naftu, pakul jaje ekanomika nie budzie dyviersifikavana.
Kamientary