20 červienia. Biełaruski PEN-centr (Załataja Horka, 2-101). 17.30.
20 červienia ŭ Minsku, na siadzibie Biełaruskaha PEN-centra adbudziecca prezientacyja knihi "Biełaruś u fokusie: Vačyma mižnarodnych žurnalistaŭ". Heta zbornik artykułaŭ pieramožcaŭ mižnarodnaha konkursu dla prafiesijnych i
hramadzianskich žurnalistaŭ, jaki pravodziŭsia Infarmacyjnym ofisam salidarnaści ź Biełaruśsiu ŭ supracoŭnictvie z Press Club Polska ŭ 2011 hodzie.
U čatyrnaccaci artykułach, napisanych aŭtarami z vaśmi krainaŭ (Biełaruś, Niamieččyna, Łatvija, ZŠA, Vialikabrytanija, Polšča, Słavienija, Ispanija), adlustravanyja nastupstvy prezidenckich vybaraŭ 2010 hoda– ad masavych vobšukaŭ i sudoŭ nad udzielnikami Płoščy i kandydatami ŭ prezidenty da “maŭklivych pratestaŭ”,
adnosinaŭ ź ES, ekanamičnaha kryzisa, jaki razhareŭsia ŭ Biełarusi ŭ lipieni-žniŭni 2011 hoda.
Kniha vydadzienaja na biełaruskaj i anhlijskaj movach.
U prezientacyi voźmie ŭdzieł aŭtarka knihi – słavienskaja žurnalistka Polona Frelich (pracuje ŭ Maskvie, piša dla słavienskaha štodziońnika Delo), adna ź pieramožcaŭ konkursu, aŭtarka artykuła “Byccam ryba ŭ akvaryumie, jakaja dumaje, što žyvie ŭ mory”, a taksama siabra žury konkursa – šef-redaktar “Našaj Nivy” Andrej Dyńko. Mahčymaja prysutnaść taksama inšych zamiežnych žurnalistaŭ.
Padčas prezientacyi buduć taksama abmierkavanyja pytańni, jakim čynam pavialičyć prysutnaść Biełarusi ŭ mižnarodnych ŚMI, jak biełaruskim žurnalistam naviazać kantakty z zamiežnymi, a taksama možna budzie atrymać asobnik knihi “Biełaruś u fokusie…”
Pačatak a 17.30.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY16
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary