«Vybary» ŭ pałatu pradstaŭnikoŭ — anłajn

19.50

Novaja technałohija: da aktyŭnych naziralnikaŭ padsadžvali sieksotaŭ

Paviedamlaje Juryj Sałodki. Infarmacyja sa 104-j akruhi (Minsk), učastak № 449 (vulica Sierdziča, 26.): Nazirajuć dvoje chłopcaŭ (Anton Žyłko i Stanisłaŭ Ramanovič), pakazvajuć kamisii na niedachopy ŭ pracy (sproba vydačy biuleteniaŭ biez dakumientaŭ, niapravilnaja arhanizacyja hałasavańnia pa miescy žycharstva vybarščykaŭ i t.p.). U vyniku, na ŭčastak pryjechali dvoje maładych ludziej (30–35 hadoŭ), pakazali niejkija paśviedčańni kamisii i sieli pobač z naziralnikami.

Pravakujuć kanflikt, pastajanna zatykajuć rot naziralnikam, nie dajuć ŭstać ź miesca, pahražajuć, što raźbiarucca paśla vybaraŭ!

Novyja «naziralniki» vielmi padobnyja da šyroka viadomych ludziej u cyvilnym.

I pa apošniaj infarmacyi (18.35), adzin z «bajcoŭ» piša zajavu, što Anton Žyłko (niezaležny naziralnik) pieraškadžaje nazirać za vybarami i prosić vydalić jaho z učastku! Anton, darečy, naličyŭ ŭsiaho tolki 37% jaŭki!

* * *

U vyniku niepasredna pierad padlikam hałasoŭ usich piać niezaležnych naziralnikaŭ vydalili z učastka.

19.24

Paviedamlaje Siaržuk Bachun: Mianie, naziralnika na vybarčym učastku № 373 h. Miensku, vydalili z ŭčastka. Pryčyna: maŭlaŭ, niechta zrabiŭ zdymak i raźmiaściŭ u internecie. Ale ž što takoha ŭ tym, što jość fota? I tym bolš ja nia maju nijakaha dačynieńnia da hetaha fota! Staršynia kamisii Skrockaja Śviatłana Michajłaŭna pa zajavie «naziralnika"ad «Biełaj Rusi» vydaliła mianie i jašče adnaho naziralnika z učastka. Mnie zdajecca, što heta zroblena z-za taho, što pa dadzienych na 18.00 na maim učastku prahałasavała 35%. Ciapier kamisija moža napisać lubyja ličby!

19:12

Parłamienckija vybary adbylisia va ŭsich 110 vybarčych akruhach Biełarusi. Pra heta paviedamiŭ siońnia žurnalistam sakratar Centrvybarkama Mikałaj Łazavik.

Pavodle źviestak na 18.00 u vybarach pryniali ŭdzieł 65,9% vybarščykaŭ. Takija dadzienyja raźmieščany na aficyjnym sajcie Centrvybarkama.

U Bresckaj vobłaści ŭžo prahałasavali 64,2% vybarščykaŭ, Viciebskaj - 73,1%, Homielskaj - 68,9%, Hrodzienskaj - 67,1%, Minskaj - 67,2%, Mahiloŭskaj - 72,5%, u Minsku - 53,6%, za miažoj - 61,6%.

U daterminovym hałasavańni, jakoje prachodziła z 18 pa 22 vieraśnia, pryniali ŭdzieł 25,9% vybarščykaŭ.

***

«My zrabili ŭsio, kab vybary deputataŭ pałaty pradstaŭnikoŭ byli acenieny stanoŭča z boku mižnarodnych naziralnikaŭ», — zajaviła kiraŭnik CVK Biełarusi Lidzija Jarmošyna 23 vieraśnia na pres-kanfierencyi ŭ Minsku.

Pry hetym jana padkreśliła, što «my nie pretendujem tolki na vydatnuju adznaku, nas zadavolić i zdavalniajučaja».

Jarmošyna adznačyła, što acenki, jakija asabliva patrabujuć dakładnaści, «zaŭsiody subjektyŭnyja». «Subjektyŭnaść vyznačajecca, u tym liku, i zadačami, jakija stajać pierad kamisijaj, žury», — skazała jana.

«My pracavali dobra. Spadziajusia, što našy vybarčyja kamisii nie padviaduć nas na apošnim etapie kampanii», — padkreśliła Jarmošyna.

***

Pavodle źviestak Centrvybarkama Biełarusi, na 16.00 jaŭka vybarščykaŭ na vybarach deputataŭ pałaty pradstaŭnikoŭ nacyjanalnaha schodu skłała 58,6%.

U Bresckaj vobłaści ŭžo prahałasavała 56% vybarščykaŭ (na 14.00 - 45,7%), u Viciebskaj - 65,6% (57,5%), Homielskaj - 62,8% (56,5%), Hrodzienskaj - 58% (47,9%), Minskaj - 59,6% (51,4%, Mahiloŭskaj - 64,2% (54,8%) i Minsku - 48% (39,7%).

U daterminovym hałasavańni, jakoje prachodziła z 18 pa 22 vieraśnia, pryniało ŭdzieł 25,9% vybarščykaŭ.

***

15:00

Pavodle źviestak Centrvybarkama, na 14.00 jaŭka vybarščykaŭ na vybarach deputataŭ pałaty pradstaŭnikoŭ skłała roŭna 50%.

U Bresckaj vobłaści ŭžo prahałasavała 45,7% vybarščykaŭ (na 12.00 - 34,7%), u Viciebskaj - 57,5​​% (45,9,3%), Homielskaj - 56,5% (46,8%), Hrodzienskaj - 47,9% (36,8%), Minskaj - 51,4% (38%), Mahiloŭskaj - 54,8% (41,8%) i Minsku - 39,7% (32,3%).

U daterminovym hałasavańni, jakoje prachodziła z 18 pa 22 vieraśnia, pryniało ŭdzieł 25,9% vybarščykaŭ. Pa aficyjnych dadzienych, na 10.00 u vybarach uziali ŭdzieł 27,6% vybarščykaŭ, na 12.00 - 39,2%.

14:55

Urad zacikaŭleny ŭ vysokaprafiesijnym, adkaznym parłamiencie, zajaviŭ prem'jer-ministr Biełarusi Michaił Miaśnikovič 23 vieraśnia ŭ Minsku, paśla hałasavańnia na ŭčastku № 514 pa vulicy Pijanierskaj, 37a.

Pavodle słoŭ Miaśnikoviča, urad «dastatkova aktyŭna» supracoŭničaje z parłamientam, tamu što asnoŭnyja ŭmovy pracy ŭrada farmirujucca zakanadaŭstvam, jakoje jakraz parłamient i vyznačaje.

«My zacikaŭlenyja ŭ tym, kab parłamient byŭ vysokaprafiesijny, adkazny, dla taho kab nam u pary pracavać nad udaskanaleńniem ekanamičnych adnosinaŭ, kab inicyjatyvy, jakija vynosić urad, padtrymlivalisia, kab była adpaviednaja dyskusija, tamu što deputaty pradstaŭlajuć usie słai našaha hramadstva. Dumaju, u nas atrymajecca pracavać z novym składam parłamienta», — zajaviŭ Miaśnikovič.

14:34

Apazicyja nie budzie pryznavać vyniki vybaraŭ: pra heta zajavili pradstaŭniki piaci partyj.

Sumiesnuju zajavu padpisali pradstaŭniki Partyi BNF, Biełaruskaj partyi levych «Spraviadlivy śviet», Biełaruskaj sacyjał-demakratyčnaj partyi (Hramada), ruchu «Za Svabodu» i hramadzianskaj kampanii «Havary praŭdu».

Na ich dumku, parłamienckija vybary ŭ Biełarusi nielha nazvać prazrystymi i demakratyčnymi, bo ŭłady ŭmiešvalisia ŭ vybarčy praces, a taksama cisnuli na kandydataŭ ad apazicyi i ich prychilnikaŭ.

Pradstaŭniki apazicyi taksama zajaŭlajuć, što padčas daterminovaha hałasavańnia byli vyjaŭleny fakty masavaha ŭcisku na asobaŭ, zaležnych ad ułady praz navučańnie ŭ dziaržaŭnych adukacyjnych ustanovach abo pracu na dziaržaŭnych pradpryjemstvach. Akramia taho, apazicyja źviartaje ŭvahu na ŭžyvańnie cenzury, u tym liku źniaćcio z efiru ŭžo zapisanych vystupaŭ zarehistravanych kandydataŭ. Zhadvajecca i toje, što adbyvalisia aryšty ŭdzielnikaŭ pikietaŭ u dazvolenych zakonam miescach.

14:10

Kiraŭnik Centrvybarkama Lidzija Jarmošyna nie vyklučaje, što paśla vybaraŭ u sud buduć padadzieny iski da palityčnych partyj, čyje kandydaty ŭ deputaty źnialisia z vybaraŭ, ale vydatkavali biudžetnyja srodki na ahitacyjnuju pradukcyju.

«Kali partyja adklikała kandydataŭ biez pavažlivych pryčyn, jana abaviazana kampiensavać biudžetnyja srodki», — zajaviła Jarmošyna 23 vieraśnia na bryfinhu ŭ Minsku.

Pavodle jaje słoŭ, u biuleteniach dla hałasavańnia nasuprać kandydataŭ, jakija źnialisia z vybaraŭ, napisana «vybyŭ». «Takich asob było 66. Technična hety praces nie źjaŭlajecca pracajomistym», — dadała kiraŭnik CVK.

Nahadajem, svaich kandydataŭ u deputaty z vybaraŭ źniali Abjadnanaja hramadzianskaja partyja i Partyja BNF.

Padstavaj dla rašeńniaŭ ab vychadzie z vybarčaj kampanii stała najaŭnaść u krainie palitźniavolenych i nieŭklučeńnie pradstaŭnikoŭ partyj u składy vybarčych kamisij.

***

Pa stanie na 12:00, pavodle CVK, jaŭka vybarcaŭ z ulikam daterminovaha hałasavańnia skłała 39,2%.

U Bresckaj vobłaści prahałasavała 34,7% vybarščykaŭ, u Viciebskaj — 45,9,3%, Homielskaj — 46,8%, Hrodzienskaj — 36,8%, Minskaj — 38%, Mahiloŭskaj — 41,8% i Minsku — 32,3%.

Nahadajem, u daterminovym hałasavańni, jakoje prachodziła z 18 pa 22 vieraśnia, pryniało ŭdzieł 25,9% vybarščykaŭ.

Za piać dzion daterminova vybarčyja ŭčastki ŭ Bresckaj vobłaści naviedała 25,8% vybarščykaŭ, u Viciebskaj — 28,3%, Homielskaj — 26,6%, Hrodzienskaj — 25,9%, Minskaj — 24,6%, Mahiloŭskaj — 27,5% i Minsku — 24,1%.

13:20

U 12.20 byli adklučany sajt ruchu «Za Svabodu» i sajt kantrolu jaŭki na bajkotnaj Frunzienskaj akruzie Minska.

Heta adbyłosia paśla pres-kanfierencyi, na jakoj namieśnik staršyni ruchu «Za Svabodu» Juraś Hubarevič paviedamiŭ pra dadzienyja nazirańnia za jaŭkaj padčas piaci dzion daterminovaha hałasavańnia. Roźnica dadzienych pa prahałasavałych daterminova ad naziralnikaŭ i učastkovych kamisij składa amal 3000 vybarščykaŭ, paviedamlaje sajt ruchu «Za svabodu»

12:41

Adkazvajučy na pytańnie finskaj žurnalistki ab tym, jakim jon bačyć budučyniu svajho małodšaha syna Mikałaja, Łukašenka padčas naviedvańnia vybarčaha ŭčastka №476 105-j vybarčaj akruhi skazaŭ, što chacieŭ by, kab u jaho dziaciej, jak i va ŭsich dziaciej na Ziamli, była dobraja budučynia.

«Ja taksama chacieŭ by, kab u majho syna Mikałaja , va ŭsich maich synoŭ, byli dobryja pierśpiektyvy. Jany buduć zaležać ad taho, jak budzie raźvivacca naša kraina».

12:22

Paśla 12 hadziny dnia pačynajecca najbolš haračy pieryjad na vybarčych učastkach. Pra heta zajaviła na pres-kanfierencyi staršynia Centvybarkama Lidzija Jarmošyna.

Kiraŭnik CVK adznačyła, što «hałasavańnie idzie ŭ niekatorych miescach navat viała (mahčyma, nadvorje nie spryjaje)».

«Tym nie mienš, samy haračy pieryjad u vybarčych kamisij nastupaje z 12 hadziny. I my spadziajemsia, što kali situacyja dzieści źjaŭlałasia nie vielmi spryjalnaj, to jana papravicca», — skazała Lidzija Jarmošyna.

11:50

Aficyjny kiraŭnik krainy Alaksandr Łukašenka prybyŭ na vybarčy ŭčastak razam z małodšym synam Mikałajem. Heta ŭčastak № 476 Staravilenskaj vybarčaj akruhi № 105, raźmieščany ŭ Akademii fizkultury.

Tut bałatujecca dziejny deputat Mikałaj Samasiejka.

Lidar libierałaŭ Anatol Labiedźka i siabar Partyi BNF Jaŭhien Rybakoŭ źniali svaje kandydatury.

Łukašenka zajaviŭ, što Biełaruś pravodzić vybary dla siabie, a nie dla Zachadu, a taksama, što rašeńnie šerahu palitykaŭ źniacca z vybaraŭ śviedčyć pra ich nieadpaviednaść jak palitykaŭ, paviedamlaje BiełTA.

Jon užo nie raz u razdražnionym tonie zhadvaŭ pra bajkot vybaraŭ, jakija pravodzić niezaležnaje hramadstva.

«Hałoŭny aŭtar vybaraŭ — biełaruski narod: što načyrkaje ŭ kabinach dla hałasavańnia, tak tamu i być. Tamu my raźličvajem na lepšaje, a što budzie — pabačym», — skazaŭ Łukašenka.

Jon adznačyŭ, što «asnoŭnaje šou zaŭsiody pačynajecca paśla vybaraŭ, zaŭsiody ŭsiakija hłupstvy ŭ nas pačynalisia paśla abviaščeńnia vynikaŭ», kali «znachodzilisia tyja, chto pačynaŭ aburacca».

Havoračy ab ciapierašniaj kampanii, Łukašenka padkreśliŭ: «Kali ŭžo na hety raz chtości ŭsumnicca ŭ vybary biełaruskaha naroda, to ja navat užo i nie viedaju, jak tady vybary pravodzić. Pa sutnaści, pryčapicca tut nie da čaho».

Na pytańnie polskaha telebačańnia, čamu «vybary prachodziać sumna», Łukašenka adkazaŭ: «Toje, što vy kažacie, što vybary ŭ nas prachodziać sumna i spakojna, tak chaj nam zajzdrościać. U cyvilizavanaj dziaržavie, dzie žyvie cyvilizavany narod, jany i pavinny prachodzić takim čynam. Revalucyi nam nie patrebnyja«.

Na słovy jašče adnaho polskaha žurnalista ab tym, mnohija zamiežnyja naziralniki ŭžo ciapier kažuć pra niesumlennaści vybaraŭ, Łukašenka zaŭvažyŭ: «Pieradajcie svaim polskim naziralnikam i tym, chto ŭ vas vybary pravodzić, chaj poučatsia u Biełarusi vybary pravodzić.

Sa svaim statutam chaj nie lezuć, my i biez polskich palitykaŭ raźbiaremsia, jak budavać žyćcio ŭ Biełarusi».

Finskaja žurnalistka pacikaviłasia, ci nia ličyć Alaksandr Łukašenka, što, kali ludzi mała hałasujuć, heta aznačaje niedavier uładzie. Na što toj adkazaŭ: u Biełarusi hałasujuć u dva razy bolš, čym u Finlandyi. «Ale kali narod mała hałasuje, heta aznačaje, što jon nie vieryć u svaju dziaržavu, nie vieryć ŭładzie», — pahadziŭsia Łukašenka.

11:44

Analizujučy śpis kandydataŭ u deputaty i ich pasady (śpis źmieščany na sajcie Centrvybarkama Jarmošynaj), lohka pradkazać śpis budučych deputataŭ. Važnaja nie papularnaść ci jakaść kampanii — važnaja pasada.

Ad 1996 hoda deputatami nacyjanalnaha schodu ŭ Biełarusi stanavilisia tolki asoby, uchvalenyja Administracyjaj prezidenta. Sistema pracuje biez zbojaŭ.

Ciapier jość tolki try akruhi, dzie niemahčyma z dakładnaściu skazać, na kaho zrabiła staŭku prezidentura. Heta dźvie akruhi ŭ Minsku i adna — u Maładziečnie, dzie bałatujucca adnačasova, naprykład, dziejnaja deputatka i dyrektar palikliniki. Adnak i tam našy zdahadki, najchutčej što, spraŭdziacca.

Voś naš śpis, a zaŭtra supastavicie.

Bresckaja vobłaść

Valušycki Viktar Ivanavič, dyrektar AAT «Brescki centralny ŭniviermah».

Miłašeŭski Valancin Stanisłavavič, hałoŭny doktar UAZ «Bresckaja haradskaja balnica CHMP».

Bahdanovič Łarysa Mikałajeŭna, deputatka pałaty pradstaŭnikoŭ.

Bazanaŭ Uładzimir Alaksandravič, vajenny kamisar Bresckaha abłvajenkamata.

Palityka Volha Siarhiejeŭna, načalnik filii ZAT «Atłant».

Ściacko Alaksandr Mikałajevič, hałoŭny doktar UAZ «Baranavickaja centralnaja paliklinika».

Jazubiec Mikałaj Miafodźjevič, staršynia Baranavickaha rajvykankama.

Puzyreŭski Uładzimir Ivanavič, pamočnik prezidenta Respubliki Biełaruś — hałoŭny inśpiektar pa Bresckaj vobłaści.

Jurkievič Alaksandr Ivanavič, staršynia Pružanskaha rajvykankama.

Darahakupiec Juryj Ivanavič, dyrektar ustanovy «Ivanaŭskaja ŽKH».

Kavalevič Leanid Mikałajevič, deputat pałaty pradstaŭnikoŭ.

Zazula Alaksandr Ivanavič, deputat pałaty pradstaŭnikoŭ.

Vieras Valancina Ihnaćjeŭna, načalnica adździeła adukacyi Łuninieckaha rajvykankama.

Mandroŭskaja Zinaida Michajłaŭna, deputatka pałaty pradstaŭnikoŭ.

Palajčuk Alaksandr Ivanavič, staršynia SVK «Łapacina».

Jaraševič Alaksandr Mikałajevič, načalnik Stolinskaj DBPMK.

Viciebskaja vobłaść

Hryckievič Hienadź Paŭłavič, deputat pałaty pradstaŭnikoŭ.

Voŭkaŭ Michaił Mikałajevič, nastaŭnik matematyki UA «Dziaržaŭnaja himnazija № 8 h. Viciebska».

Bochan Siarhiej Mikałajevič, namieśnik načalnika UP «Viciebskaje adździaleńnie Biełaruskaj čyhunki».

Cacocha Alaksandr Uładzimiravič, dyrektar Viciebskaha dziaržaŭnaha miedycynskaha kaledža.

Šyćko Uładzimir Uładzimiravič, dyrektar DUA «Viciebskaje kadeckaje vučylišča».

Andrejčanka Uładzimir Paŭłavič, staršynia pałaty pradstaŭnikoŭ.

Šykšnian Piotr Hienrychavič, staršynia Lepielskaha rajvykankama.

Papko Vasil Parfianovič, namieśnik načalnika ŭpraŭleńnia KDB pa Viciebskaj vobłaści.

Dzieviatoŭski Vadzim Anatoljevič, instruktar pa sporcie pieršaj katehoryi v/č 58–48.

Dabrynina Ludmiła Anatoljeŭna, staršynia Aršanskaha haradskoha Savieta deputataŭ.

Dzieduškin Uładzimir Michajłavič, staršynia Aršanskaha rajvykankama.

Hujvik Natalla Vasiljeŭna, staršynia Połackaha haradskoha Savieta deputataŭ.

Morchat Miečysłaŭ Viktaravič, staršynia Šarkaŭščynskaha rajvykankama.

Papkoŭ Alaksandr Andrejevič, deputat pałaty pradstaŭnikoŭ.

Homielskaja vobłaść

Fiasak Viktar Dźmitryjevič, dyrektar DUA «Siaredniaja škoła № 5 h. Homiela».

Žmajlik Valeryj Alaksiejevič, hienieralny dyrektar vytvorčaha abjadnańnia «Homsielmaš».

Leŭšunoŭ Aleh Fiodaravič, načalnik adździeła adukacyi administracyi Centralnaha rajona horada Homiel.

Pačynok Michaił Iosifavič, dyrektar filii «Homielskija ciepłavyja sietki» respublikanskaha unitarnaha pradpryjemstva elektraenierhietyki «Homielenierha».

Łapacina Hanna Lucyjanaŭna, hałoŭnaja doktarka ŭstanovy «Homielski abłasny kliničny kardyjałahičny dyspansier».

Navumčyk Ała Alaksandraŭna, rektar UA «Biełaruski handlova-ekanamičny ŭniviersitet spažyvieckaj kaapieracyi».

Šostak Piotr Mikałajevič, staršynia Rečyckaha rajonnaha vykanaŭčaha kamiteta.

Michalkova Ludmiła Ściapanaŭna, staršynia Homielskaha abłasnoha suda.

Apanasiuk Leanid Mikałajevič, staršynia Žłobinskaha rajonnaha vykanaŭčaha kamiteta.

Udodaŭ Alaksandr Piatrovič, načalnik transpartnaha respublikanskaha ŭnitarnaha pradpryjemstva «Homielskaje adździaleńnie Biełaruskaj čyhunki».

Rasocha Mikałaj Fiodaravič, dyrektar kamunalnaha sielskahaspadarčaha pradpryjemstva «Mazyrskaja aharodninnaja fabryka».

Kanoplič Siarhiej Michajłavič, staršynia pastajannaj kamisii pałaty pradstaŭnikoŭ.

Vaškoŭ Adam Siamionavič, dyrektar adkrytaha akcyjaniernaha tavarystva «Rečycki mietyzny zavod».

Ščepaŭ Uładzisłaŭ Alaksandravič, dekan ekanamičnaha fakulteta UA «Homielski dziaržaŭny ŭniviersitet imia Francyska Skaryny».

Filipovič Halina Vasiljeŭna, staršynia Śvietłahorskaha rajonnaha Savieta deputataŭ.

Čekan Śviatłana Uładzisłavaŭna, načalnica Brahinskaha rajspažyŭtavarystva.

Tut, u Homielskaj vobłaści, va ŭładaŭ zdaryŭsia vialiki prakoł.

U Homielskaj-Navabielickaj akruzie ad uładaŭ byŭ vyłučany Prakapienka Ihar Mikałajevič, pamočnik prezidenta Respubliki Biełaruś — hałoŭny inśpiektar pa Homielskaj vobłaści Administracyi prezidenta Respubliki Biełaruś. Adnak u časie kampanii jon źlacieŭ z pasady, admianiŭ sustrečy z vybarcami i źniaŭsia. Chodziać čutki pra raspačataje suprać jaho rasśledavańnie. U vyniku na akruzie zastaŭsia adzin tolki siabar Libieralna-demakratyčnaj partyi, enerhietyk. Usia kraina zamierła ŭ intryzie: bolšaść vybarcaŭ «prahałasuje» suprać jaho? Ci ŭ pałacie źjavicca «niezaležny» kandydat?

Hrodzienskaja vobłaść

Siahodnik Alaksandr Ivanavič, načalnik upraŭleńnia adukacyi Hrodzienskaha abłvykankama.

Bieraśnieva Alena Piatroŭna, hałoŭny redaktar abłasnoha ŭnitarnaha infarmacyjna-rekłamnaha pradpryjemstva «redakcyja haziety «Hrodzienskaja praŭda».

Michno Vasil Kandraćjevič, dyrektar ustanovy adukacyi «Hrodzienski dziaržaŭny prafiesijna-techničny kaledž bytavoha absłuhoŭvańnia nasielnictva».

Liskovič Viktar Andrejevič, hałoŭny doktar ustanovy achovy zdaroŭja «Hrodzienski abłasny kliničny pierynatalny centr».

Miažujeŭ Alaksandr Vienijaminavič, načalnik Hałoŭnaj vajskovaj inśpiekcyi Uzbrojenych Sił.

Kučynskaja Natalla Hienadźjeŭna, načalnik adździeła adukacyi Ašmianskaha rajvykankama.

Hušča Valer Ivanavič, zahadčyk chirurhičnaha adździaleńnia ŭstanovy achovy zdaroŭja «Lidskaja centralnaja rajonnaja balnica»;.

Jermantovič Leanid Alaksiejevič, načalnik upraŭleńnia arhanizacyjna-kadravaj raboty Hrodzienskaha abłvykankama.

Kochanaŭ Anatol Paŭłavič, staršynia sielskahaspadarčaha vytvorčaha kaapieratyva «Małabierastavicki elithas» Bierastavickaha rajona.

Navumovič Andrej Mikałajevič, staršynia Hrodzienskaha abłasnoha savieta deputataŭ.

Sopikava Ała Mikałajeŭna, dyrektar siaredniaj škoły № 9 Słonima.

Kokaš Valeryj Uładzimiravič, hienieralny dyrektar kamunalnaha prajektna-ramontna-budaŭničaha ŭnitarnaha pradpryjemstva «Hrodnaabłbud».

Uškievič Siarhiej Iosifavič, staršynia Ščučynskaha rajvykankama.

Cikava, što ŭ Hrodzienskaj vobłaści až 6 (!) biezalternatyŭnych akruh — pakazčyk zładžanaści dziejańniaŭ hrodzienskaj apazicyi.

Mahiloŭskaja vobłaść

Płaksicki Mikałaj Ryhoravič, namieśnik dyrektara pa ideałahičnaj pracy i kadrach AAT «Słavianka».

Mišur Žanna Mikałajeŭna, dyrektarka siaredniaj škoły № 30 h. Babrujska, Partyja pracy i spraviadlivaści.

Šamal Alena Uładzimiraŭna, deputatka pałaty pradstaŭnikoŭ.

Kanančuk Taćciana Piatroŭna, staršynia Słaŭharadskaha rajonnaha Savieta deputataŭ.

Voŭkaŭ Michaił Michajłavič, dekan ahranamičnaha fakulteta UA «Biełaruskaja dziaržaŭnaja sielskahaspadarčaja akademija».

Kraŭcoŭ Uładzimir Vasiljevič, pieršy namieśnik staršyni Mahiloŭskaha abłvykankama.

Vasilenka Uładzimir Mikałajevič, deputat pałaty pradstaŭnikoŭ.

Siankievič Eduard Alaksandravič, prakuror Mahiloŭskaj vobłaści.

Staraścin Ludmiła Viktaraŭna, dyrektarka UA «Siaredniaja škoła № 13 h. Mahilova».

Stankievič Ihar Stanisłavavič, staršynia prafsajuznaha kamiteta AAT «Chimvałakno».

Razhanaŭ Alaksandr Ivanavič, namieśnik staršyni kamisii pa ahrarnych pytańniach pałaty pradstaŭnikoŭ.

Koŭtun Mikałaj Anisimavič, dyrektar sumiesnaha biełaruska-brytanskaha pradpryjemstva «Dach».

Ahiejeŭ Alaksandr Viktaravič, namieśnik staršyni Kamiteta dziaržaŭnaha kantrolu.

Minskaja vobłaść

Ščećka Viktar Uładzimiravič, namieśnik staršyni Minskaha abłvykankama.

Krasoŭskaja Tamara Piatroŭna, kiraŭnica spravami Barysaŭskaha rajonnaha vykanaŭčaha kamiteta.

Huminski Viktar Alaksandravič, namieśnik staršyni pałaty pradstaŭnikoŭ.

Charytončyk Dźmitryj Ivanavič, namieśnik hienieralnaha dyrektara pa jakaści AAT «BiełAZ».

Hajdukievič Valeryj Uładzimiravič, namieśnik ministra ŭnutranych spraŭ — kamandujučy ŭnutranymi vojskami.

Bojka Anatol Ściapanavič, staršynia Kleckaha rajvykankama.

Klaščuk Inesa Anatoljeŭna, deputatka pałaty pradstaŭnikoŭ.

Abalenski Jaŭhien Viačasłavavič, deputat pałaty pradstaŭnikoŭ.

Danilevič Taisa Ivanaŭna, načalnica ŭpraŭleńnia adukacyi Minskaha abłvykankama.

Ivančanka Mikałaj Michajłavič, pamočnik prezidenta Respubliki Biełaruś — hałoŭny inśpiektar pa Minskaj vobłaści.

Cydzik Uładzisłaŭ Stanisłavavič, staršynia Kamiteta dziaržaŭnaha kantrolu Minskaj vobłaści.

Łazoŭskaja Halina Balasłavaŭna, redaktar adździeła «Radyjo Maładziečna».

(Łazoŭskaja budzie ci nie adzinym biełaruskamoŭnym deputatam u pałacie.)

Šamodzi Taćciana Piatroŭna, namieśnik hałoŭnaha doktara UAZ «Maładziečanskaja centralnaja rajonnaja balnica» abo Kuleš Stanisłaŭ Francavič, dyrektar AAT «Biarezinskaje» — aboje majuć adpaviednyja pasady i aboje biespartyjnyja. Dumajem, deputatkaj stanie Šamodzi.

Rusak Viktar Uładzimiravič, načalnik Hałoŭnaha ŭpraŭleńnia ekanamičnaj biaśpieki KDB.

Muraška Illa Alaksandravič, načalnik brykietnaha cecha AAT «Torfabrykietny zavod «Usiaž».

Lavickaja Hanna Viktaraŭna, deputatka pałaty pradstaŭnikoŭ.

Miakińnik Alaksandr Piatrovič, staršynia Piatryškaŭskaha sielvykankama.

horad Minsk

Niachajčyk Aksana Uładzimiraŭna, staršynia Zavodskaj rajonnaj arhanizacyi RHA «Biełaja Ruś».

Dudkin Siarhiej Vienijaminavič, staršynia prafsajuznaha kamiteta liciejnaha zavoda «MAZ» VA «BiełaŭtaMAZ».

Baradzienia Valer Anatolevič, dekan fakulteta markietynhu BDEU.

Mažejka Leanid Paŭłavič, dyrektar filii «Aŭtobusny park № 2 Minsktransu» abo Dražyna Aksana Hieorhijeŭna, zahadčyca kafiedry akušerstva ŭ Biełaruskaj miedycynskaj akademii paśladypłomnaj adukacyi. Napeŭna, dyrektar aŭtaparku.

Kaściukoŭ Vadzim Anatoljevič, hałoŭny doktar UAZ «18-ja haradskaja paliklinika» abo deputatka pałaty pradstaŭnikoŭ Lavonienka Valancina Ściapanaŭna (Kampartyja Biełarusi). Praŭda, Lavonienka ŭžo piensijnaha vieku. Moža, žančyna samastojna vyłučyłasia? Dumajem, deputatam stanie Kaściukoŭ.

Klimovič Natalla Anatoljeŭna, hałoŭnaja doktarka UAZ «3-ja haradskaja dziciačaja paliklinika».

Čaravač Uładzimir Alehavič, staršynia suda Kastryčnickaha rajona Minska.

Alaksiejenka Vasil Anatoljevič, kamandzir korpusa ŭnutranych vojskaŭ MUS RB v/č 3403.

Šyłava Śviatłana Dźmitryjeŭna, namieśnica staršyni pastajannaj kamisii pałaty pradstaŭnikoŭ.

Palčyk Hienadź Uładzimiravič, dyrektar Navukova-mietadyčnaha ustanovy «Nacyjanalny instytut adukacyi» Ministerstva adukacyi RB.

Kuźmič Alaksiej Fiodaravič, deputat pałaty pradstaŭnikoŭ.

Kubrakova Ludmiła Piatroŭna, śpiecyjalist Departamienta administracyi AAT «BPS-Aščadbank».

Žuraŭskaja Valancina Iosifaŭna, deputatka pałaty pradstaŭnikoŭ.

Savanovič Michaił Fiodaravič, staršynia Minharsavieta.

Samasiejka Mikałaj Leanidavič, staršynia pastajannaj kamisii pałaty pradstaŭnikoŭ.

Šaŭcoŭ Dźmitryj Jaŭhienavič, hałoŭny doktar UAZ «34-ja centralnaja kliničnaja paliklinika».

Buśko Vital Leanidavič, staršynia pastajannaj kamisii pałaty pradstaŭnikoŭ.

Žylinski Marat Hienadźjevič, namieśnik dyrektara pa navukovaj pracy DNU «Instytut historyi NAN Biełarusi».

Valevač Zyhmund Antonavič, načalnik navukova-daśledčaj łabaratoryi navukova-daśledčaj častki UA «Vajskovaja akademija RB».

Vałčankoŭ Alaksandr Anatolevič, dyrektar UA «Minski dziaržaŭny mašynabudaŭničy kaledž».

11:28

Jaŭka vybarščykaŭ padčas daterminovaha hałasavańnia skłała kala 18%, paviedamili žurnalistam 23 vieraśnia aktyvisty kampanii partyjnaha nazirańnia «Za spraviadlivyja vybary».

Pavodle źviestak adnaho z kaardynataraŭ kampanii Siarhieja Kalakina, usie piać dzion daterminovaha hałasavańnia ich naziralniki sačyli za vybarčym pracesam na 657 vybarčych učatkach ŭ 36 vybarčych akruhach pa ŭsioj krainie.

«Na ranicu 23 vieraśnia my paličyli kolkaść ludziej, jakoje prahałasavała na kantralavanych nami učastkach. Pa našych dadzienych, jaŭka skłała 19,4%», — skazaŭ Kalakin.

U svaju čarhu adkazny sakratar arhkamiteta pa stvareńni partyi «Biełaruskaja chryścijanskaja demakratyja» (BCHD) Dzianis Sadoŭski paviedamiŭ, što, pa ich dadzienych, daterminova prahałasavała 17,1%. «Takim čynam, možna kanstatavać, što realnaja jaŭka na daterminovaje hałasavańnie na hetych vybarach składaje kala 18%», — skazaŭ jon.

Jašče adzin kaardynatar kampanii «Za spraviadlivyja vybary», Viktar Karniajenka, adznačyŭ, što najbolšaja jaŭka vybarščykaŭ na daterminovaje hałasavańnie fiksavałasia na tych učastkach, dzie znachodziacca internaty.

«Pa asobnych učastkach, naprykład, u BNTU, jaŭka na daterminovaje hałasavańnie skłała da 90%. Vialikaja jaŭka na ŭčastku Bresckaha piedinstytuta — da 60%. Naziralniki kažuć pra toje, što praktyčna paŭsiudna studenty, vajskoŭcy, tyja, chto žyvie ŭ internatach, padviarhalisia cisku z boku administracyj svaich ustanoŭ z metaj prahałasavać daterminova «, — zajaviŭ Karniajenka.

Kampaniju «Za svabodnyja vybary» pravodziać 14 palityčnych partyj i hramadskich arhanizacyj.

Pa dadzienych CVK, u chodzie daterminovaha hałasavańnia ŭ vybarach pryniali ŭdzieł 25,9% hramadzian, paviedamlaje BiełaPAN

11:30

Biełaruskaja apazicyja nie dała nivodnaha faktu, jaki b śviedčyŭ ab parušeńniach padčas daterminovaha hałasavańnia, zajaviła staršynia CVK Lidzija Jarmošyna 23 vieraśnia na pres-kanfierencyi ŭ Minsku.

Jana nazvała «zdahadkami» usiu infarmacyju ab parušeńniach, jakaja ahučvajecca pradstaŭnikami apazicyi.

Jarmošyna ličyć, što vysoki pracent tych, chto prahałasavaŭ daterminova, adpaviadaje «mientalnaści hramadzian, i ŭvajšło ŭ zvyčku».

U CVK pastupiła ŭsiaho dva zvaroty hramadzian, jakich zanadta aktyŭna zaklikali hałasavać daterminova, paviedamiła Jarmošyna. U adnym vypadku, pa jaje słovach, havorka idzie «chutčej, nie pra prymusie, a pra prośbie», u druhim — infarmacyja nakiravana na pravierku ŭ prakuraturu.

BiełaPAN

***

Na Frunzienskaj vybarčaj akruzie № 101 u Minsku šerah demakratyčnych arhanizacyj ładziać kampaniju «Bajkot-101».

Aktyvisty ruchu «Za Svabodu», Partyi BNF, hramadzianskaj kampanii «Havary praŭdu», jaje moładzievaj struktury «Zmiena», a taksama Biełaruskaj partyi levych «Spraviadlivy śviet» zaklikali žycharoŭ akruhi nie iści na vybary, a sami pačali aktyŭnaje nazirańnie za ŭčastkami.

Na akruzie bałatujucca try kandydaty, pryčym usie jany partyjcy. Ciapierašni deputat kamunist Alaksiej Kuźmič ličycca kandydatam z uładnaha śpisu. Jahonyja kankurenty — ŁDP-šnik Vadzim Piarvušyn, jaki pracuje ŭ kampanii «ADK Elektra», a taksama rabotnik «Minskaj TEC-4» Ihar Žur. Jon vyłučany Biełaruskaj sacyjalna-spartyŭnaj partyjaj.

A voś siabra Partyi BNF Arciom Lava z vybaraŭ źniaŭsia. Takim čynam, na akruzie nie zastałosia nivodnaha demakratyčnaha kandydata.

Uvaha naziralnikaŭ skancentravanaja na tym, kab praduchilić mahčymyja ŭkidy biuleteniaŭ z boku siabraŭ vybarčaj kamisii, a taksama zafiksavać inšyja fakty parušeńniaŭ. Na praciahu niekalkich dzion na učastkach fiksavalisia «karusieli» — hrupa ź niekalkich dziasiatkaŭ čałaviek pierajazdžała z ŭčastka na ŭčastak i hałasavała na kožnym ź im.

Na žal, u pieršyja dni daterminovaha hałasavańnia nazirańniem byli achoplenyja nie ŭsie ŭčastki.

U vyniku, naprykład, na ŭčastkach z naziralnikami ŭ kancy pieršaha dnia byli zafiksavanyja nastupnyja ličby kolkaści vybarcaŭ — 10, 49, 6, 39, 89, 81, 16, 11, 15 i hetak dalej. A na ŭčastkach, dzie naziralnikaŭ nie było — 109, 112, 103, 107, 51, 90, 30, 73, 91 i hetak dalej…

Takim čynam,

pavodle padlikaŭ naziralnikaŭ, u daterminovym hałasavańni na akruzie № 101 pryniali ŭdzieł 15,2% vybarcaŭ. Pryčym hetyja ličby zavyšanyja, bo ŭličvajuć u siabie hałasy zafiksavanych «karusielščykaŭ», a taksama padliki, pradastaŭlenyja siabrami vybarčaj kamisii ŭ dni, kali na ŭčastku adsutničali naziralniki. Aficyjnyja ličby jaŭki na daterminovym hałasavańni — 19,8%. Roźnica ŭ vybarcach amal dasiahnuła 3000 čałaviek!

Adnak pry hetym na akruzie № 101 jaŭka ŭsio adno istotna nižejšaja, čym siaredniaja ličba pa Minsku. Pa dadzienych CVK, u stalicy daterminova prahałasavali 24,1%.

JAM

***

10:49

Biełaruskaja apazicyja nie dała nivodnaha faktu, jaki b śviedčyŭ ab parušeńniach padčas daterminovaha hałasavańnia, zajaviła staršynia CVK Lidzija Jarmošyna 23 vieraśnia na pres-kanfierencyi ŭ Minsku.

Jana nazvała «zdahadkami» usiu infarmacyju ab parušeńniach, jakaja ahučvajecca pradstaŭnikami apazicyi.

Jarmošyna ličyć, što vysoki pracent tych, chto prahałasavaŭ daterminova adpaviadaje «mientalnaści hramadzian, i ŭvajšoŭ u zvyčku».

U CVK pastupiła ŭsiaho dva zvaroty hramadzian, jakich zanadta aktyŭna zaklikali hałasavać daterminova, paviedamiła Jarmošyna. U adnym vypadku, pa jaje słovach, havorka idzie «chutčej, nie pra prymusie, a pra prośbie», u druhim — infarmacyja nakiravana na pravierku ŭ prakuraturu.

10:18

Pavodle źviestak na 10.00 u vybarach deputataŭ pałaty pradstaŭnikoŭ pryniali ŭdzieł 27,6% vybarščykaŭ. Ab hetym paviedamiła siońnia žurnalistam staršynia Centrvybarkama Biełarusi Lidzija Jarmošyna, pieradaje BiełTA.

Z ulikam taho, što ŭ daterminova «prałahasavali» 25,9%, možna zrabić vysnovu za dźvie hadziny, z 8.00 da 10:00 prahałasavali 1,7%.

10:10

BT pačało naviny ź infarmacyi sa 101-j akruhi i krytyki pracesu vybaraŭ u ZŠA

Cikava, što ŭ vypusku navin na Pieršym nacyjanalnym kanale, a 10-j hadzinie adnoj ź pieršych navin dali ŭklučeńnie sa 101-j vybarčaj akruhi Minska — toj samaj, dzie apazicyja praviała kampaniju bajkotu.

Paśla hetaha dali infarmacyju pra niedemakratyčnaść vybarčaha pracesu ŭ ZŠA. Tam tracina vybarcaŭ, maŭlaŭ, zusim nie maje prava hałasavać, a addać hołas možna pa kvitancyi za apłatu kamunalnych płaciažoŭ.

Taksama pakazali, jak hałasujuć prostyja ludzi, viadomyja kampazitar Michaił Finbierh i alimpijski čempijon Siarhiej Martynaŭ.

***

Barys Chamajda: Bajkot — heta bitva suprać ciemry — videa

Na 110 deputackich miescaŭ «pretendujuć» 293 kandydaty. Ź pieradvybarčaj honki za tydzień da hałasavańnia źnialisia kandydaty ad Partyi BNF, Abjadnanaj hramadzianskaj partyi.

Bolšaść apazicyjnych siłaŭ vybary prosta ihnaravali, zasiarodziŭšysia na nazirańni za jaŭkaj.

U biuleteniach zastalisia ŭsiaho 49 pradstaŭnikoŭ prademakratyčnych siłaŭ: kandydaty z «Havary praŭdu!», partyi «Spraviadlivy śviet», hrupy sacyjał-demakrataŭ.

Vialikuju kolkaść sparynh-partnioraŭ dla kampanii vystaviła Libierał-demakratyčnaja partyja.

U 17 akruhach vybary buduć biezalternatyŭnyja — reč niemahčymaja ŭ inšych jeŭrapiejskich krainach.

Hałasavańnie pačynajecca a 8-j ranicy i skončycca ŭ 20:00. Padčas daterminovaha hałasavańnia prahałasavali… 25,9%.

U subotu kiraŭnička Centrvybarkama Lidzija Jarmošyna «sprahnazavała», što ŭ pieršym tury buduć abrany amal usie deputaty.

Uładnaja viertykal papracavała nad jaŭkaj: z roznych rehijonaŭ krainy nadychodzili źviestki pra stopracentavaje daterminovaje hałasavańnie žycharoŭ internataŭ, milicyjantaŭ, vajskoŭcaŭ, vychavacielek. Ahułam, pavodle aficyjnych źviestak, daterminova prahałasavali amal 26% vybarcaŭ.

Dla paraŭnańnia: u susiedniaj Rasii daterminova hałasujuć kala 2% vybarcaŭ, a va Ukrainie daterminovaje hałasavańnie ŭvohule admieniena, bo daje vialikija mahčymaści dla falsifikacyj.

«Naša Niva» budzie siońnia vieści anłajn z vybarčych učastkaŭ, aśviatlać padziei na vulicach Minska, «aficyjnuju dyskateku» na Kastryčnickaj płoščy — kali jana budzie, bo prajšła infarmacyja pra jaje admienu. Čakajucca naviny z rehijonaŭ, fota- i videarepartažy.

U piatnicu, 21 vieraśnia, šeść biełaruskich apazicyjnych struktur vystupili z zaklikam da hramadzian nie chadzić na vybarčyja ŭčastki.

Bajkatavać parłamienckija vybary zaklikali Abjadnanaja hramadzianskaja partyja (AHP), «Małady front», arhkamitety pa stvareńni partyi «Biełaruskaja chryścijanskaja demakratyja» (BCHD) i «Biełaruski ruch», Biełaruski niezaležny prafsajuz rabotnikaŭ radyjoelektronnaj pramysłovaści i Rada biełaruskaj intelihiencyi.

Jak patłumačyŭ na pres-kanfierencyi ŭ Minsku lidar AHP Anatol Labiedźka, zaklik adrasavany tym, chto jašče nie vyznačyŭsia z nahody hałasavańnia. «My zaklikajem ich 23 vieraśnia nie ŭdzielničać u farsie. U ich jość alternatyva — źjeździć da svaich baćkoŭ u viosku, schadzić u les u hryby, padychać pavietram, schadzić na rybałku. Heta supolnaje naša pasłańnie, pasłańnie tych subjektaŭ, jakija tak ci inakš razam pracavali padčas vybarčaj kampanii «, — adznačyŭ palityk.

Pieršy skład pałaty pradstaŭnikoŭ byŭ pryznačany ŭ kancy 1996 h. ź liku deputataŭ-łukašenkaŭcaŭ ź Viarchoŭnaha Savieta 13-ha sklikańnia. Vybary deputataŭ 2-ha sklikańnia prajšli 15 kastryčnika 2000 h., 3-ha sklikańnia — 17 kastryčnika 2004 h. (tady vybary supali z referendumam ab źniaćci kolkaści terminaŭ dla prezidenta), vybary ŭ pałatu pradstaŭnikoŭ 4-ha sklikańnia prajšli 28 vieraśnia 2008 h.

Uvieś hety čas u parłamient traplali tolki kandydaty, uchvalenyja Administracyjaj prezidenta.

• 0
• 0
• 0
• 0
• 0
• 0
• 0
• 0