Viła nacysckaha złačyncy Hiermana Hiorynha pradajecca za 18 miljonaŭ jeŭra
Malaŭničy ŭčastak na Paŭnočnym mory byŭ kanfiskavany ŭ jaŭrejaŭ, a jaho byłyja ŭładalniki źniščanyja ŭ Chałakoście.
Pra heta paviedamlaje vydańnie BILD.
Były namieśnik Hitlera nabyŭ malaŭničy ŭčastak na vostravie Ziult u 1936 hodzie, jak vynikaje z dakumientaŭ, jakija supravadžali ździełku, za śmiechatvornuju canu — 1 rejchsmarku za mietr, usiaho za 3900 marak (prykładna 20 tysiač jeŭra pa siońniašnich mierkach).
Ziamlu ad imia Hiorynha i ź jaho adabreńnia nabyła jaho druhaja žonka Emi — u spadkajemcaŭ jaŭrejskaha pradprymalnika Biernarda Hajlbruna!
Na momant ździełki sam Hajlbrun užo daŭno pamior. U svaim zaviaščańni jon pakinuŭ učastak žoncy Irmie, adnak nacysty hvałtoŭna źmiaścili jaje ŭ psichijatryčnuju kliniku, dzie jana, vidać, była zabitaja ŭ 1940 hodzie ŭ ramkach prahramy źniščeńnia ludziej ź psichičnymi i fizičnymi zachvorvańniami.
Jaje dzieci vymušanyja byli biehčy ŭ Ńju-Jork i na terytoryju sučasnaha Izraila, a prodaž učastkaŭ za mizernyja hrošy afarmlaŭ advakat Karł Hajlbrun, daloki svajak Irmy. Jaho samoha nacysty vykrali paźniej, u 1938 hodzie, i jaho dalejšy los nieviadomy.
Taksama nieviadoma, ci atrymali Hajlbruny choć niejkija hrošy za ziamlu ad siamji Hiorynha. Płaciežnyja dakumienty ŭ archivach adsutničajuć, zatoje majecca zapis hiestapa pra kanfiskacyju «jaŭrejskaj majomaści» i ŭčastka na Paŭnočnym mory.
Jak stvarałasia viła
Naniaty Emi Hiorynh architektar pabudavaŭ dla budučaha namieśnika fiurara plažny dom płošča 200 kvadratnych mietraŭ pad nazvaj Min Lütten, jaki mieŭ try spalni i try vannyja pakoi.
U 1957 hodzie Emi pradała viłu kiolnskamu pramysłoŭcu doktaru Paŭlu Alfu. Paźniej majomaść pierajšła da niekalkich členaŭ siamji Birkienštok, jakija ŭ 2019 hodzie pradali jaje multymiljanieraŭ Hansu Nolte za 8,7 miljona jeŭra.
Ciapier užo sam Nolte vystaviŭ viłu na prodaž. U kamientary BILD jon paviedamiŭ:
«Całkam meblavany i abstalavany dom paśla kapitalnaha ramontu prapanujecca prykładna za 18 miljonaŭ jeŭra. Heta cudoŭnaja nieruchomaść, zachavańnie jakoj apraŭdanaje jak z architekturnaha, tak i z ekanamičnaha punktu hledžańnia».
Hans Nolte taksama padkreśliŭ histaryčnaje značeńnie doma:
«Historyja hetaha doma pavinna nahadvać nam, što zło i varjactva časta chavajucca za źniešnie budzionnym, nibyta biaskryŭdnym «narmalnym» susiedstvam. I mienavita z hetym śviet znoŭ vymušany sutykacca siońnia…»
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary