Radzina: Vyjechać praz Rasiju mnie dapamahła Administracyja prezidenta
«Pryjechaŭšy ŭ Maskvu nielehalna, žurnalistka zmahła z dapamohaj NVA «Miemaryjał» atrymać lehalny status.
Pierš, čym pačaŭsia nastupny etap jaje šlachu, jana raptam atrymała niečakanuju dapamohu z Kramla: «Mnie patrebna była vyjaznaja viza. Uładzisłaŭ Surkoŭ, pieršy namieśnik kiraŭnika administracyi prezidenta, dapamoh jaje atrymać».Hetaje rašeńnie rasiejskich uład ilustruje składanyja, časta supiarečlivyja adnosiny pamiž Minskam i Maskvoj. Ich siabroŭstva pieramienlivaje», — piša francuzskaja hazieta «Mond» u artykule «Biełaruski hołas
My źviazalisia z Radzinaj i zapytalisia, ci jana źviartałasia da Surkova asabista ci praz kahości?
Za mianie prasiła rasijskaja pravaabronca Śviatłana Hannuškina, adkazała Radzina. Biełaruskaja žurnalistka nahadała, što na terytoryju Rasii jana trapiła nielehalna, biez dakumientaŭ. Jana była pad śledstvam KDB pa spravie pra tak zvanyja «masavyja biesparadki». Adpaviedna, prosta tak vyjechać z Rasii jana nie mahła.
Jana atrymała ŭ ofisie AAN pa spravach uciekačoŭ i ŭ pasolstvie Niderłandaŭ časovyja prajaznyja dakumienty, ale na ich pavinna była stajać rasijskaja vyjaznaja viza.Svaje dramatyčnyja ŭcioki Radzina apisała ŭ svoj čas u artykule «Kruty maršrut».
«Paśla čatyroch miesiacaŭ afarmleńnia statusa ŭciekača pa linii AAN paŭstała pytańnie pra rasijskuju vyjaznuju vizu, — raskazała žurnalistka «Našaj Nivie», — i ŭ AAN mnie skazali, što treba iści ŭ Fiederalnuju mihracyjnuju słužbu (FMS), ale mianie mohuć aryštavać, bo ja ŭ vyšuku.
Tady Hannuškina źviarnułasia da Surkova paśla sustrečy pravaabaroncaŭ ź Miadźviedzievym.Tady administracyja Miadźviedzieva — jon tady byŭ prezidentam — dała zhodu na toje, kab mianie adpuścili z Rasii, i FMS vydała mnie vyjaznuju vizu».
Śviatłana Hannuškina — kiraŭnica kamiteta «Hramadzianskaje spryjańnie», siabroŭka Rady pa pytańniach raźvićcia hramadzianskaj supolnaści pry prezidencie Rasii. Uładzisłaŭ Surkoŭ ciapier pracuje
Pobač z Łukašenkam na chakiei źjaviłasia novaja pryhažunia10
Kamientary