Za 5 miesiacaŭ klaščy pakusali 4000 biełarusaŭ
Klaščy pieranosiać encefalit, jaki moža pryvieści da śmierci, dy chvarobu Łajma. Za zhadany termin u Biełarusi zarehistravana 160 vypadkaŭ chvaroby Łajma i 3 vypadki kleščavoha encefalitu.
Najbolš zvarotaŭ u Miensku, paśla iduć Bieraściejskaja dy Mienskaja vobłaści. Najmienš vypadkaŭ na Viciebščynie i Mahiloŭščynie. Toje, što na pieršy miescy znachodzicca stalica, admysłoŭcy tłumačać vysokaj stupieńniu infarmavańnia nasielnictva, jak pavodzić siabie, kali ŭkusić klešč. Daktary adznačajuć, što labaratoryi zaraz pierapoŭnienyja zajavami hramadzianaŭ na daśledvańni dastanych ź ciełaŭ klaščoŭ.
Admysłoŭcy nahadvajuć. Kali vas ukusiŭ klešč, adrazu źviarniciesia ŭ palikliniku pa miescy žycharstva. Vaš lekar musić vyrašyć, ci adpraŭlać klašča na daśledvańnie, ci pryznačyć prafilaktyčnaje lekavańnie.
Kab nie padchapić klašča, ludziam rajać dla adpačynku vybirać čystyja soniečnyja praleski. Pry hetym adzieža musić maksymalna zatulać aholenaje cieła.
Kali vy ŭsio ž zdabyli klašča, pancetam vyciahnicie jaho za bruška, a miesca ŭkusa apracujcie jodam ci inšym śpirtavym roščynam. Prasačycie, kab vy poŭnaściu vyciahnuli klašča sa skury, a paśla ŭsio adno źviarniciesia da lekara.
Kamientary