TUT.BY хоча адкрыць уласныя курсы беларускай мовы на змену «Мове ці каве»
Беларускі партал TUT.BY збіраецца ладзіць курсы беларускай мовы. Пра гэта «Нашай Ніве» паведаміў заснавальнік TUT.BY Юрый Зісер.
Паводле яго словаў, пакуль ёсць толькі ідэя і жаданне зрабіць такія заняткі.
«Учора было першае абмеркаванне праекта, і распрацоўка праграмы была даручана рэдактарцы партала Алёне Шарамет-Андрэевай — яна энтузіястка, яна будзе гэтым займацца. Цяпер рыхтуецца канцэпцыя. Мяркую, курсы пачнуцца ў лістападзе, калі не ў пачатку, дык у канцы дакладна», — сказаў сп.Зісер.
Ён таксама дадаў, што заняткі будуць праходзіць раз ці два разы на месяц.
Алёна Шарамет-Андрэева кажа: «Мы добра ведаем, што ў нашай аўдыторыі ўзрастае попыт на вывучэнне мовы, што нас цешыць. Сярод нашай каманды разглядаюцца варыянты, пры якіх мы зможам прапанаваць практыкі ў беларускай, напрыклад, наведвальнікам нашай Галерэі TUT.BY, але казаць пра тое, што мы ствараем свае курсы — не зусім карэктна».
Аднак яна таксама запэўніла, што «калькаваць тое, што ўжо рабілася мы не збіраемся».
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары