Агульнанацыянальная дыктоўка пройдзе 21 лютага на сядзібе Таварыства беларускай мовы і паўторыцца 22 лютага на Свяце роднай мовы. Акрамя таго, дыктоўкі пройдуць у Варшаве і Стамбуле.
21 лютага міжнародная супольнасць штогод адзначае дзень Роднай мовы. Таварыства беларускай мовы заклікае ўзяць удзел у VІІІ Усебеларускай дыктоўцы ў межах кампаніі «Будзьма», якую прапануецца пісаць па творах Францішка Багушэвіча, Рыгора Барадуліна і Генадзя Бураўкіна.
З тэкстамі дыктоўкі можна азнаёміцца тут.
Мерапрыемства прайдзе 21 лютага на сядзібе ТБМ (Мінск, вул. Румянцава, 13). Пачатак у 11:00, уваход вольны. Удзельнікі дыктоўкі атрымаюць памятныя прызы ад ТБМ.
Яшчэ адна дыктоўка будзе праведзеная ТБМ на Свяце Роднай Мовы 22 лютага у бізнес-клубе «Imaguru».
Акрамя таго, дыктоўкі пройдуць на Лідчыне:
21 лютага, 12:00 — бібліятэка г. Бярозаўка
22 лютага у 10:30 і 25 лютага у 13:45 — Ліда, Цэнтральная раённая бібліятэка імя Янкі Купалы.
Таксама дыктоўку плануецца правесці ў Лідскім каледжы, час удакладняецца.
Дыктоўку, галоўнай мэтай якой з'яўляецца папулярызацыя і падтрымка беларускай мовы, пішуць не толькі ў Беларусі.
23 лютага агульнабеларуская дыктоўка адбудзецца ў Варшаве а 18 гадзіне ў Collegium Civitas (Aula А, XII паверх., PKiN, pl. Defilad 1, Warszawa).
«Беларуская Нацыянальная Памяць» запрашае ўсіх ахвотных прыняць удзел у гэтай важнай і ганаровай падзеі.
Таксама беларуская дыктоўка ўпершыню адбудзецца ў Стамбуле.
«Беларуская Нацыянальная Памяць» запрашае беларусаў, што знаходзяцца ў Турцыі, а таксама ўсіх зацікаўленых беларускай культурай на сустрэчу, якая адбудзецца 21 лютага а 20-й гадзіне ў Piraye Kafe.
Nâzım Hikmet Kültür Merkezi İstanbul
Ali Suavi Sokağı (Sanatçılar Sokağı), No: 7
Bahariye – İstanbul
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка7
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары