У дэпутаты ад партыі Гайдукевіча ідзе 22-гадовая музычная прамоўтар
Адна з самых маладых кандыдатак на парламенцкіх выбарах-2016 — 22-гадовая Мілена Келер. Яна жыве ў Мінску, але будзе балатавацца па Стаўбцоўскай акрузе №70. Туды яе накіравала партыя. Мілена ідзе ў дэпутаты ад Ліберальна-дэмакратычнай партыі сям’і Гайдукевічаў.
Дзяўчына вучылася ў ЕГУ, а цяпер працуе вядучым спецыялістам ПУП «Джетсаундс».
«Засуньце свой парад сабе ў ж…у. Лепш бы грошы, пушчаныя вось на гэта, раздалі ветэранам і пенсіянерам, якія маюць патрэбу. Глядзець няма на што. Відовішча для прыезджых і ўбогіх людзей. У музей ВАВ можна паглядзець на такія ж машыны і танкі, без шкоды для горада і часу гараджан. А перакрыць горад у гадзіну пік — гэта павага да народа, безумоўна», — выказвала яна нядаўна сваю грамадскую пазіцыю.
«Дачка паспяховага бізнэсмена і вядомага адваката, Мілена з'яўляецца прыкметнай фігурай у мінскім клубным жыцці», — прадстаўлялі яе ў інтэрв'ю на сайце Mi.by.
Мілена хвалілася, што ходзіць на вечарынкі разам са сваёй мамай, хоць і трымаецца асобна.
Мама Мілены — адвакат Ганна Келер, спецыялізуецца на шлюбаразводных працэсах
«Людзі ўвогуле з'ехалі з глузду», — гаворыцца ў апошнім допісе Мілены ў твітары.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары