Білі Айліш даўно вядомая сваім расслабленым стылем і любоўю да рэчаў вольнага і аб'ёмнага крою. Але апошнім часам спявачка выглядае зусім інакш, піша Vogue.
Усё праз новую ролю: яна грае Эстэр Грынвуд у будучай экранізацыі знакамітага рамана Сільвіі Плат «Пад шкляным каўпаком», над якой працуе рэжысёрка Сара Полі.
На фотаздымках са здымачнай пляцоўкі ў Таронта Білі Айліш з'явілася ў чырвоным трыкатажным топе з кароткімі рукавамі і спадніцы А-сілуэту. Змяніўся і яе звыклы б'юці-вобраз: валасы спявачкі ўклалі на бакавы прабор, а для макіяжу абралі яркую чырвоную памаду.
Паводле паведамленняў, касцюмы для фільма стварае Луіс Секейра, якога двойчы намінавалі на прэмію «Оскар» за найлепшы дызайн касцюмаў у двух фільмах Гільерма дэль Тора: «Форма вады» і «Алея жаху».
Гэты вобраз амаль не мае нічога агульнага з аб'ёмнымі кашулямі пола і касцюмамі Celine, якія Айліш насіла раней. У той жа час у ім можна заўважыць нешта знаёмае.
Падобны настрой быў у вобразе Білі Айліш на Met Gala 2021 года, калі яна выйшла на чырвоную дарожку ў сукенцы Oscar de la Renta, натхнёнай старым Галівудам.
Падзеі рамана «Пад шкляным каўпаком» разгортваюцца ў пачатку 1950‑х гадоў. Галоўная гераіня, маладая Эстэр, прыязджае ў Нью-Ёрк на летнюю стажыроўку ў жаночым часопісе. Пасля гэтага яна вяртаецца дадому, у прыгарад Бостана, дзе перажывае цяжкі псіхалагічны крызіс.
У новай экранізацыі маці Эстэр грае Кэры Маліган.
Білі Айліш чакае няпростая драматычная роля, і ўжо не церпіцца ўбачыць яе ў вобразе Эстэр Грынвуд. А магчымасць на працягу наступных некалькіх месяцаў назіраць за спявачкай у трыкатажных камплектах і каралях стане прыемным бонусам.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары