Прозвішчы Шуневіч, Шунька, Шунейка ў Беларусі частыя. Яны чыста беларускія і паходзяць, найхутчэй, ад старабеларускага скарачэння імені Самойла, Самуіл (Шуня). (Параўнайце: Санька, Санейка нароўні з Александровіч, Алесін, Сашук, Сашык, Сашура — ад Аляксандр.)
Аднак утворанае ў 2017 годзе слова мае вельмі канкрэтнае паходжанне. Шуняўкамі моладзь пачала называць міліцыянтаў у цывільным. Раней іх называлі ціхарамі. Ад прозвішча ж міністра ўнутраных спраў Шуневіча сталі называць яшчэ і «шуняўкамі».
«Шуняўкі маскіруюцца пад звычайных мінакоў, але іх лёгка пазнаць па стылі «спорт-шык» — курткі, джынсы, красоўкі (усё новае) — і разняволенай паходцы. У рэгіёнах яны апранутыя нашмат лепш асноўнай масы пратэстоўцаў», — піша Павел Свярдлоў.
Ціхары масава выхоплівалі пратэстоўцаў з натоўпу падчас «маўклівых акцыяў» у 2011 годзе. Але новае слова для іх прыдумалі толькі цяпер, калі сваімі «ахраніцельнымі» поглядамі звярнуў на сябе ўвагу міністр Шуневіч, у той час калі народ стаў больш задумляцца пра свае грамадзянскія правы.
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Каментары