Амерыканскі студэнт памёр праз тыдзень пасля вызвалення з турмы ў КНДР
Амерыканскі студэнт Ота Уормбір памёр у ЗША пасля вяртання з КНДР. Пра гэта 19 чэрвеня паведамілі ягоныя сваякі.
22-гадовы хлопец быў вызвалены паўночнакарэйскімі ўладамі 13 чэрвеня. Яго эвакуіравалі з КНДР ў стане комы, у якую Уормбір трапіў вясной 2016 года. У ЗША ў яго зафіксавалі шырокую гібель клетак мозгу.
«Жудасныя катавальныя ўмовы, у якіх нашага сына ўтрымлівалі ў Паўночнай Карэі, прывялі да таго сумнага зыходу, якога мы ніяк не змаглі пазбегнуць», — заявілі бацькі Уормбіра.
Па версіі ўладаў КНДР, Уормбір захварэў на батулізм, а потым трапіў у кому, прыняўшы снатворнае. Гэта адбылося неўзабаве пасля таго, як ў 2016 годзе яго прысудзілі да 15 гадоў катаргі за крадзеж прапагандысцкага плаката ў гатэлі.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары