У Польшчы памянялі сем міністраў. Сярод адпраўленых у адстаўку — міністр абароны Антоні Мацярэвіч, міністр замежных спраў Вітальд Вашчыкоўскі, міністр аховы здароўя Канстанты Радзвіл.
На пасаду міністра абароны прызначаны 48-гадовы Марыюш Блашчак, які раней займаў пасаду міністра ўнутраных спраў.
Міністрам замежных спраў стаў 61-гадовы прафесар Яцак Чапутовіч, які апошні час займаў пасаду намесніка міністра.
Мацярэвіч быў прадстаўніком ультранацыяналістычнага крыла кіраўнічай партыі.
Урад кансерватыўнай партыі «Закон і справядлівасць» (польская абрэвіятура PiS) застаецца папулярным. Паводле апошніх апытанняў грамадскай думкі, за партыю гатовыя прагаласаваць 43% выбарцаў, тады як асноўная апазіцыйная сіла, ліберальная Грамадзянская платформа карыстаецца падтрымкай 19% палякаў, а левыя сацыял-дэмакраты — усяго 7%.
Крытыкі вінавацілі ўрад PiS-а ў аўтарытарных замашках і нагнятанні напружання ў краіне. Ператасоўка ўрада мае на мэце, найхутчэй што, палепшыць імідж Польшчы ў Еўрасаюзе. Раней на пасадзе прэм'ер-міністра Беату Шыдла змяніў памяркоўны выхадзец з фінансавых колаў Матэуш Маравецкі.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі3
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
Каментары