Шоўмэн Уладзімір Зяленскі вылучае сваю кандыдатуру на пасаду прэзідэнта Украіны.
Пра гэта ён абвясціў у эфіры тэлеканала 1+1, дзе паказваюць ягонае шоу і які належыць мільярдэру Каламойскаму.
«Цяпер, за некалькі хвілін да Новага года, я вам сёе-тое паабяцаю і адразу выканаю. Дарагія ўкраінцы, я абяцаю вам пайсці ў прэзідэнты і адразу выконваю. Я іду ў прэзідэнты Украіны. Давайце зробім гэта разам. З Новым годам, з новым слугой народа», — заявіў Зяленскі па-ўкраінску, хоць вядзе сваё тэлешоу па-расейску.
Тэлеканал «1+1» пусціў віншаванне Зяленскага з абвяшчэннем пра паход у прэзідэнты ў час, калі традыцыйна на тэлеканалах транслююць віншаванні ад прэзідэнта. Зварот кіраўніка дзяржавы Пятра Парашэнкі на канале пусцілі ўжо пасля паўночы.
Зяленскі прамаўляў задушэўным, добра пастаўленым голасам.
Некаторыя ва Украіне выказваюць непакой сувязямі Зяленскага з Каламойскім — алігархам з сумнеўнай рэпутацыяй.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА16
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны33
Каментары