Дэманстранты ў Мінску рвалі партрэты Пуціна і вадзілі антыінтэграцыйныя карагоды ФОТЫ
У цэнтры Мінска сёння прайшоў шэраг акцый пратэсту супраць інтэграцыі з Расіяй.
Многія дэманстранты прынеслі з сабой самаробныя плакаты. Некаторыя прынеслі і парвалі партрэты Пуціна. Прычым вельмі па-беларуску: абрыўкі пасля сабралі і вынеслі, каб не пакідаць смецця.
Хоць акцыі былі несанкцыянаваныя і праваахоўнікі нагадвалі прысутным пра гэта, яны былі даволі шматлікія.
Уранку на заклік кампаніі «Свежы вецер» сотні людзей усталі ў жывыя ланцугі ў розных месцах Мінска ад паштамта да цырка.
А апоўдні на заклік лідара Хрысціянскай дэмакратыі Паўла Севярынца людзі сабраліся на цэнтральнай плошчы сталіцы.
Вось фоты «Нашай Нівы» з акцый:
Моладзь вядзе карагод вакол яліны на Кастрычніцкай плошчы.
Каментары