Улады Украіны з суботы, 28 сакавіка, цалкам закрыюць авіязносіны і перасячэнне мяжы цягнікамі. Пра гэта паведаміў міністр унутраных спраў Арсен Авакаў, піша «Громадське».
Ён заклікаў грамадзян краіны, якія знаходзяцца да гэтага часу за мяжой, вярнуцца ва Украіну на працягу двух дзён ці застацца за мяжой на час абмежаванняў. «Самалёты да нас прыбываюць да пятніцы. У ноч з пятніцы на суботу любыя авіязносіны будуць спыненыя, як і злучэнне цягнікамі. Ёсць два дні [для вяртання]», — заявіў Авакаў.
У той жа час міністр замежных спраў Украіны Дзмітрый Кулеба адзначыў, што спыняецца рэгулярнае злучэнне. Украінцы змогуць перасячы мяжу на ўласных аўтамабілях або пешшу.
25 сакавіка прэм'ер-міністр Украіны Дзяніс Шмыгаль назваў адзінай крыніцай распаўсюджвання каранавіруса ў краіне людзей, якія вярнуліся з заробкаў і з вандровак. Паводле яго слоў, масавы прыезд грамадзян з-за мяжы працягваецца, што «ўзмацняе і павялічвае колькасць людзей, заражаных інфекцыяй».
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам23
Каментары